10 April 2007
03:00 -
23:00 - Бу кун маломатга нишондир ўзбек - Тоҳир Йўлдош тарафдорларидан яна бири қўлга тушди 20:00 - Туркман мухолифатчиси Норвегияда вафот этди
23:00 - Бу кун маломатга нишондир ўзбек

Бугун Россия телеканалининг “Вести – Дежурная часть” дастури Россия пойтахтида содир бўлган бир жиноят тафсилотларини очиқлади. Лавҳага кўра, майда безорилик, киссавурлик билан шуғулланган афиркалик бир ҳабаш йигит (талаба чоғи) Москва метросида қўлга олинди ва унинг ёнидан шу пайтга қадар фуқаролардан тортиб олинган ашёлар чиқди. Шаҳар мелисаси билан рейд ўтказган журналистлар безорининг олдига яқинлашаркан, милициянинг хатти-ҳаракатидан норози бўлган ҳабаш: “Я какой-то узбек что ли, не троги...” дея бақирди.

Ҳолат ўз-ўзидан тушунарли бўлгани учун бу ўринда изоҳга ҳожат йўқ, дейди мухбиримиз. Лавҳани дастурнинг такрорий сонларида ҳам кузатдим, ҳамкасбларимининг андек шовинизм аралашган, монтажсиз бу кадрлари дилимни ўртаб кетди. Афсуски, шу кунларда ўзбекнинг дунёда масхарага нишон бўлаётганини ич-ичиммиздан тан олишга мажбурмиз.

Тоҳир Йўлдош тарафдорларидан яна бири қўлга тушди

Ттожик матбуоти мамлакат бугун Ички ишлар вазирлиги маълумотига асосан Ўзбекистон исломий ҳаракати раҳбариларидан бири бўлган Сафар Сафаровнинг қўлга олингани ҳақидаги хабарларни чоп этди. Маълум бўлишича, шимолий Тожикистоннинг ҳуқуқни муҳофаза қилиш идоралари Ўзбекистоннинг 1-рақамли террорчиси Тоҳир Йўлдошнинг яқин кишиларидан бўлган бу шахсни ҳибсга олишга эришганлар.

Тожикистон прокуратураси Сафар Сафаровни конституциявий режимга тажовуз қилганликда гумон қилиб, унга нисбатан қидирув эълон қилганди. Маҳаллий матбуотнинг ёзишича, мамлакат куч ишлатар тизими Тожикистонда кеийнги тўрт ой мобайнида Ўзбекистон исломий ҳаракатининг 8 нафар жангарисини қўлга олишга эришди.

20:00 - Туркман мухолифатчиси Норвегияда вафот этди

Хабар агентликлари Туркманистон мужолифатининг лидерларидан бир Абди Қулиевнинг бугун Норвегияда узоқ давом этган оғир касалик натижасида оламдан ўтганини маълум қилдилар.

1936 йилда Ашхабодда туғилган Абди Қулиев 1960 йилда Туркманистон Давлат Университети рус тили ва адабиёти бўлимини битиргач, аввал илмий ишлар билан шуғулланди. У 1970 йилда СССР ташқи ишлар вазирлигига таржимон сифатида ишга таклиф қилинди ва секин-аста дипломатга айланди. 1989 йилгача СССРнинг турли мамлакатларидаги элчиликларида ишлади, Оман Султонлиги ва Қатар каби мамлакатларда элчи ҳам бўлди.

1989 йилда Туркманистоннинг Ташқи ишлар вазири этиб тайинланди, аммо, мустақиллик эълонидан бир оз вақт ўтганидан кейин Туркманбошининг сиёсатига қарши бўлгани учун, бу лавозимни тарк этди. Сўнгра мамлакатни ҳам тарк этиб, юрт ташқарисида мухолифатчилик фаолиятини давом эттирди.

Абди Қулиев “Ҳаракат” журнали учун берган махсус интервьюсида (№ 2, 2004) Марказий Осиё демократлари бирлашиши лозимлиги, фақат шундагина минтақадаги диктаторлардан қутилиш мумкинлигини таъкидлаганди.

Унинг вафоти фақат Туркман демократларини эмас, ўзбек мухолифатчиларини ҳам изтиробга солмоқда, - деди бу хусусда “Бирлик” Партияси раиси Абдураҳим Пўлат. - Мен Абди Қулиев билан бир неча мартагина телефонда гаплашган эдим. Унинг туркманларни ҳуррияти учун олиб борган мардларча кураши ахир бир кун биз истаган натижаларга олиб келишига ишонаман. Ҳамаа “Бирлик” фаоллари номидан сафдошимизнинг оиласига чуқур таъзияларимни изҳор қиламан. Оллоҳ раҳмат айласин”.

Хабарлага қараганда, марҳумнинг оиласи Туркманистон расмийларига мурожаат қилиб, уни ўз мамлакатида дафн этишга ижозат сўраган.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону