07 October 2011
00:03 - Тергов даврида қамоқда сақлаш юзасидан янги қонун кучга кирди
Бугун матбуотда “Жиноят ишини юритиш чоғида қамоқда сақлаш тўғрисида”ги қонун кучга киргани ҳақида хабар пайдо бўлди. Гумонланиб қўлга олинган шахсларни ҳибсда сақлаш тартиби ва шароитларини белгиловчи мазкур қонун қуйидагилар ҳаракатлар учун ҳуқуқий асос яратади:

- ушлаб турилганлар ва қамоқда сақланаётганларнинг ўз ҳақлари¸ эркинлик ва мажбуриятлари доирасида ҳибсхона тартиб-қоидаларига биноан маълумот олишга¸

- вақтинча сақланиш жойлари бошлиқларига мурожаат қилиши¸ ўз ҳақ-ҳуқуқлари бузилиш ҳоллари бўйича шахсан ëхуд ҳимоячи орқали шикоят қилишга¸

- шахсий хавфсизлиги таъминланиши¸ ҳимоячи ва яқинлари билан учрашишга,

- очиқда қолганлар билан ëзишишга¸

- текин овқат, маиший ва тиббий-санитария буюмлари олишга,

- тун вақтида, Жиноят-процессуал кодексида кўзда тутилган истисно ҳолатларидан бошқа вақтларда саккиз соат ухлашга,

- ўз шахсий кийимлари, оёқ буюмлари ва бошқа эҳтиёжга лойиқ буюмларидан фойдаланишга,

- қамоқда ушлаб турилган вақтида диний ибодатлар, маросимларни ўташи ва диний адабиётлардан фойдаланишга,

- қамоқхона ходимларидан ҳурмат билан муносабат кўрсатилишига,

- ушлаб турилган ёки қамоқда сақланаётган аёлларнинг ўз ёнида 2 ёшгача бўлган фарзандларини олиб туриш ҳаққидан фойдаланишга,

- пул жўнатмаларини олишга.

Ҳаётда кўп нарса эскиси каби қолаверишини тахмин қилиш қийин эмас. Аммо, бундан қатъий назар, мазкур қонуннинг қабул қилиниши ижобий ҳолдир, дейди мухбиримиз.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону