29 September 2011
06:05 - Вазирлар Маҳкамаси: Эй, нафақахўр, тириклигингни ҳар 6 ойда исботла!
Ҳукуматнинг шу йил 8 сентябрда қабул қилинган 252 сонли қарорини шундай таҳлил қилишдан бошқа йўли йўқ.

Бу қарорга мувофиқ ҳар йилнинг декабрь ойида келаси йил нафақа олишни бошлайдиган шахсларнинг рўйхати тасдиқланиши керак.

Айни замонда, дейилади қарорда, ҳамма нафақахўрлар ҳали ҳам нафақа олиш ҳақлари борлигини ҳар олти ойда қайтдан исботлашлари керак. Қандай қилиб дейсизми? Жуда осон, ҳамма нафахўрлар ҳар йили икки марта шахсан Нафақа Фондининг маҳаллий бюросига келиб, ҳали тирик эканликларини намойиш қилишлари шарт.

Нафақахўрар ўлгандан кейин ҳам уларнинг нафақаларини олишни давом эттирадиган виждонсизлар ҳамма мамлакатларда, ҳатто Ғарб мамлакатларида бор. Бундай аҳвол билан кураш ҳам ҳамма ерда бор. Аммо, фақат Ўзбекистонда бу масала осонликча ҳал этилди. Нафақадор шахсан Нафақа фондига келиб, тириклигини ўзи исботлаши керак. Осон ва ибтидоий. Нима қилибди, муҳим бўлгани, ишнинг ҳукумат учун осон эканлиги!
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону