09 September 2011
03:02 -
Ўзбекистон “Афросиёб” поезди билан маст бўладиган давлатми?
Бир неча ойлардан бери Ўзбекистонда хабарчилигининг марказида Тошкент-Самарқанд йўналиши бўйича юқори тезликда ҳаракатланувчи “Афросиёб” электоропоезди. Маълумки, Ўзбекистон Испаниядан 2 дона (!!) тезюрар поезд сотиб олиб, уларни “Афросиёб” номи остида тарихий пойтахтимиз билан ҳозиргиси ўртасида ишлатишга бошлабди. Нима эмиш, бу Ўзбекистон президенти Ислом Карим раҳнамолигида бажарилган ўта буюк иш эмиш.Тўғри, буюк иш, аммо бу буюкликнинг ўзбекларга нима алоқаси бор? Мана ҳозир юз минглаб компютерлар Ўзбекистонда ишлатилмоқда, уларнинг ҳаммаси чет элларда яратилган, биз уларни ишлатмоқдамиз, холос. Тўғри, уларни ишлатиш учун электр тармоқлари яратганмиз. Худди шунга ўхшаб, испанларнинг тезюрар поедларини ишлатиш учун темир йўлларни яхшиладик, шу билан мақтанамизми?
Мана аҳволимиз, мана президентимизнинг аҳволи.
Бир неча ой аввал Қозоғистон президенти Нурсултон Назарбой Тошкентга келганда, Ўзбекистон президенти унга Амир Темир майдонида қурилган Халқаро форумлар саройини кўрсатгач, Нурсултон Назарбой қозоқ журналистларига “Биз янги шаҳар қурмоқдамиз, булар битта сарой қуриб мақтанишмоқда” деб кулган экан.
Энди испанлардан поезд сотиб олиб, уни ишлатолганимиз билан мақтаниб юрамиз ва бошқаларнинг кулгисига қоламиз, шекилли.
