06 August 2011
04:38 -
Абдураҳим Пўлат: ББС пасткашликда Суҳроб ва Камолиддин бачалардан қолишмайди
Кеча ўзини Камолиддин Роббимов деб танитган сиёсатшуноснинг “Эксперт Ишчи Гуруҳи” номидан тарқатилган “Ўзбекзабон жиҳодга қараш” номли тадқиқодининг чалсавод ҳужжат эканлигини кўрсатиб бергандик. Менга ишонинг, унинг остига “Ҳаракат” таҳририёти номидан “Бу танқидимизни ББС, Озодлик ва Америка Овози каби радиоларнинг ўзбек хизматлари шу “тадқиқод” учун яшил чироқ сифатида қабул қилишларига шубҳамиз йўқ” деб ёзиб қўймоқчи бўлдим, аммо майдалашмайлик дея буни қилмадим. Ёзилмаган башаротим қанчалик тўғри бўлганини текшириб кўриш учун, бугун сўнгги ойларда биринчи марта ББС ва Озодлик радиоларининг сайтига кирдим.“Озодлик”да ҳеч нарса йўқ. Улгуришмаган бўлса керак, эртага чиқаришар. Аммо, бу ерда чаласавод Обидхон Қори билан ўтказилган суҳбат бор экан. Суҳбат сарлавҳасида “мусулмонлар демократияга ҳам тайёрлиги” ҳақидаги сўзларни кўргач, бу суҳбатни эшитиб кўрдим. Тишимни тишимга қўйиб зўрға эшитдим. Чунки суҳбат ҳам эмас, оддий алжирашлар, Ислом Каримнинг нутқларидан фарқ қилмайди. Фақат Ислом Карим “минус” деган жойларга қоримиз “плюс” ишоратини, “плюс” деган жойларига “минус” ишоратини қўйган, холос. Ундан бошқасининг ҳаммаси - оддий алжираш. Ислом ака 100 граммдан кейин алжираши табиий, қоримиз ҳам нашадан кейин шу ҳолга тушган бўлса ажаб эмас.
Менинг танқидим қуруқ гап эмас. Эрта-индин бу суҳбат алжирашдан бошқа нарса эмаслигини фактлар билан кўрсатиб берувчи бирон нарса ёзишга ҳаракат қиламан.
Кейин ББСга кирдим. Улар “Ўзбекзабон жиҳодга қараш” номли ҳисоботни жиддий ҳужжат сифатида ўқувчиларига тақдим қилишга улгуришибди. Таҳлиллари ҳам тадқиқоднинг ўзи каби лўттибозлик. Нимамиш, агар америкаликлар Афғонистондан чиқиб кетса, Толибонниннг роли, фараз қилиш керакки, ЎИҲнинг ҳам роли ортар эмиш. Бу нарса, агар эртага қуёш йўқ бўлиб қолса, ерда ҳаёт битади, дегандек гап. Яқин орада қуёш битмайди, америкаликлар Афғонистондан кетмайди. Барак Обама, ББСдаги саводсизлар айтаётдгандек, Афғонистондан чиқамиз дегани йўқ. 2012 йилдан чиқишга бошлаймиз, деди. Бу жараён неча йил давом этиши ҳақида гапиришни “унутди”, халос. ББСдаги бачалар шуни ҳам тушунишмайди.
Қолаверса, асосий масала амеркаликларнинг чиқиб кетиши ёки кетмаслиги ҳам эмас. Исломий жиҳоднинг илдизлари борми ўзи? Ўзи чуқур инқироз ичида бўлган ва сўнгги юз йилларда ҳеч нарса яратолмаган Ислом динининг жиҳод каби бир нарса яратишга кучи борми? Гап молиявий куч ҳақида ҳам эмас, маънавий куч борми? Обидхон қори кабилар маънавий куч бермоқчими? Кулдирманг мени. Ҳа, мен қўйган саволлар устида ўйлашга на Камолиддин бачанинг на ББСдагиларнинг кучи етмайди.
Ўзбекистон Исломий Ҳаракатига келсак. Бундай Ҳаракат борми? Бир неча юз кишилик жангарилар полк ёки рота бўлиши мумкин. Аммо, Ҳаракат - бу оммавий ташкилотдир. Камолиддин бача ва ББСдагилар шуни ҳам тушунишмайди. Ўзбекистон Исломий Ҳаракати 12 йилдан бери ўз структурасини ҳам тузолмабди-да, америкаликлар кетгандан кейин тузармишми? Америкаликлар битта ракета билан ҳаммамизни йўқ қилиб юборишмасин дея, расмда кўрсатилгандек, 50 киши бир ерга йиғилишдан ҳам қўрқадиган бачалардан нима ҳам кутиш мумкин?
Отасининг қамоқда ўтиришидан фойдаланиб, пул чиқариш ниятида бўлган Санжар Умаровнинг ўғли Ғулом Тошкентда гўёки конференциялар ўтказдик дея шунақа фоторасмлар эълон қиларди. Яъни, 6 кишини йиғиб, уларнинг расмини гўёки катта конференциянинг бир бурчаги деб кўрсатарди. ЎИҲдагилар ҳам ундан ўрганишган шекилли, 50 киши ҳам бўлмаган гуруҳни катта намоздек қилиб кўрсатишмоқчи. Масхарабозлар! Санжари ҳам, Ғуломи ҳам, ЎИҲдагилари ҳам.
ЎИҲдагиларнинг мақсади жиҳод ҳам эмас, Ўзбекистонда исломий давлат қуриш. Бу Ҳаракатдаги бечоралар автомобил транспорт воситаси сифатида, телефон алоқа воситаси сифатида, давлат эса бошқарув воситаси сифатида исломий бўлолмаслигини ҳам тушуниб етмасдан йўқ бўлиб кетаверадиган эси пастлардир. Ислом дини барибир ўз ичида ислоҳотлар ўтказиб, дунёвийлик приниципини қабул қилади. Ўзбекистон мусулмонларининг мутлақо кўпчилиги эса бу принципни қабул қилиб ҳам бўлган. Улар менинг тарафдорларим – имонийлар.
Агар ЎИҲдагилар дин эркинлиги учун курашмоқчи бўлсалар, қуролни ташлаб, бизга қўшилишсин. Дин эркинлиги учун ҳеч ким мен ўзим, раҳматли укам Абдуманноб ва бошқа бирликчи-ҳуқуқ ҳимоячилари каби курашган эмас. Ҳатто шу кунларда Афғонистонда ёки Берлинда эмас, Тошкентнинг қоқ марказида 30-40 кишилик йиғилишлар ўтказмоқдамиз, ўзбекни ҳимоя қилиб 10 кишилик бўлса ҳам Тошкент марказида пикет ўтқазмоқдамиз. Шундай экан, нима қиласанлар, чет элларда ҳар хил масхарабозлик ҳаракатлари тузиб? Қўшил бизнинг сафларга, мардларинг бўлса!
Энди ББС ходимлари ва Камолиддин бачанинг шахси ҳақида. Аминманки, улар ҳам билишадики, ифлос Суҳроб Ўзбекистонда режим билан курашаётган икки аёлни очиқчасига, ҳаммага эълон қилиб, бир неча кун аввал русчасига учта харфга жўнатди. Маданий дунёда бу каби бачаларни афтига ҳамма тупиради, алоқаларни бутунлай узади. Акс ҳолда, жамият ўлади. Биз ўзбекларни Озодлик, ББС ходимлари, Камолиддин ва Суҳроб бача кабиларнинг афтига тупирадиган ҳолга келтирмасак, ўзбеклар қуллигича қолаверади. Биз миллат сифатини йўқотамиз. Қирғиз фашистлари ўзбекларни тириклайин ёқиб, қизларимзни зўрлаб юраверишади. Қозоғистонда ўзбек мактабларини бекитиш, Тожикистонда ўзбекларни хор қилиш давом этаверади.
“Бирлик”нинг мақсади – ўзбекларни миллат ҳолига келтириш, ифлослардан тозалашдир. Ўзбек халқи ҳеч нарса қилмаса ҳам, биз қиламиз, ўзбекларни миллат ҳолига келтирамиз, ифлослардан тозалаймиз. Бу - ўзимиз ва миллат олдидаги бурчимиздир.
