02 July 2011
17:56 -
Туркияда мода кўрсатиш саҳанасида жаноза намози
Истанбулдаги WOW меҳмонхонасида диний қарашларга уйғун кийимлар тикиш билан шуғулланадиган “Такбир Кийим” ширкати бу йилнинг куз-қиш фаслига тайёрлаётган кийимларини намойиш қилди, дейилади Туркиянинг энг катта “Миллиёт” газетасидаги бугунги хабарда. Мингдан кўп киши иштирокидаги мода кўргазмаси давомида аввал замонавий, кейин илоҳий қўшиқ ва мусиқалар янграган.Расмда кўрсатилган уч йигит саҳнада жаноза намозида қилинадиган ҳаракатларни айнан қайтариб, кийган кийимларини намойиш қилишган.
Аёлларнинг кийимларини намойиш қилган Эже Гурсел, табиий, ҳижобда бўлгани айтилар экан, бу аёл авваллари ярим ялонғоч ҳолда саҳналарга чиқиши ва шахсий ҳаётида кўп ҳаёсизликлари билан машҳур бўлгани ҳам урғуланади.
