29 May 2011
13:42 - Нега Ислом Карим Зимбабвенинг отахонидан ўрнак олмайди?
Жаҳон оммавий ахборот воситаларининг хабарига кўра, Зимбабве диктатори Роберт Мугабе мамлакат пайтахтида ўтказилаётган қандайдир халқаро тижорат кўргазмасига келган. Унинг хавфсизликни таъминлаш учун ҳаммаёқ, худди Ўзбекистонда Ислом Карим борадиган жойларда қилингани каби, полиция ва махсус хизматларнинг агентлари тарафидан ўраб ташланган. 1924 йили туғилган, демак, 87 ёшда бўлган ва ҳокимиятга 1980 йили сайловлар йўли билан келиб, уни ҳалигача қўлидан чиқармаётган Роберт Мугабе учун, ёшини ҳам ҳисобга олиб бўлса керак, туалет кабиналаридан биттаси аввалдан ажратиб қўйилибди.

Аммо, бир полиция хизматчиси янглишиб, ўша туалет кабинасига кириб, ундан фойдаланибди. У туалетдан чиқар-чиқмас хавфсизлик органларининг одамлари тарафидан ҳибсга олинган ва "давлат отаси"га ажратилган туалет кабинасини ишлатгани учун устидан жиноий иш очилган. У 1 йилгача озодликдан маҳрум этилиши кутилмоқда.

Ўзбекистон президентининг ҳам ёши бир ерга бориб қолди. МХХчилар у борадиган жойларни ўраб олиш билан шуғулланавермасдан, унинг ҳожатини чиқариш йўлларини ҳам олдиндан ўйлаб қўйишлари керак. Тағин тўсатдан бир нарса бўлиб қолиб, дунёга шарманда бўлмайлик.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону