28 May 2011
04:36 - АҚШлик мулозимлар мухолифатчиларнинг шунчаки пульсини текширди, шекилли...
Ўтаётган ҳафтада мамлакатимизнинг қатор минтақаларида учрашувлар ўтказган АҚШ Давлат Департаментининг Евроосиё ва Россия масалалари бўйича экспертлари Дэвид Абрамсон ва Жон Уильямслар мухолифатчилик фолиятидан четда қолаётган айрим собиқ сафдошларимиз билан учрашувлар ўтказиб, уларнинг фикрларини билишга, тўғрироғи, уларнинг пульсини ўлчаб кўришга уринишган.

Масалан, улар Наманганда журналист ва собиқ бирликчи Носир Зокир ва унинг ўғли Зоҳид билан кўришганда инсон ҳуқуқлари билан боғлиқ масалалардан ташқари бир қатор масхарабозлардан иборат “Ўзбекистон Ҳалк Ҳаракати” ҳақида гаплашишбди.

Андижонда бошқа собиқ бирликчи Саиджаҳон Зайнобиддин, Тошкентда бир вақтлар “Бирлик” халқ ҳаракатининг раисдошларидан бўлган Бек Ойбек ўғли, журналист Карим Баҳри сингари кишилар билан мулоқотда бўлган америкаликларнинг ниятини тахмин қилиш қийин эмас: улар шароитни ўрганиш, фикрлар йиғиш ва мухолифатнинг асоси бўлган “Бирлик” Партиясидан ҳозир четда қолган гуруҳларнинг кучини кўриш ниятида бўлишган. Уларнинг ўта суст пульси “Бирлик”ни кўнглини тўлдирмагани каби экспертларда ҳам қониқиш ҳосил қилмаган кўринади.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону