24 May 2011
10:46 - Ливиянинг янги ҳукуматини Туркия ҳам тан олди
Бу мамлакатда Каддафининг ҳукуматига қарши Ғарб ёрдамида оёққа тураётган альтернатив ҳукумат – Ливия Миллий Кенгаши раиси Mустафа Абдужалилни (расмда қизил дўппилик) кеча Анқарада Туркия президенти Абдуллоҳ Гул ва Бош вазири Ражаб Эрдўғон алоҳида-алоҳида қабул қилдилар.

АҚШ маъмурияти ҳали бу ҳукуматни тан олишга тайёр эмаслигини билдирган бўлса ҳам, Ливия Миллий Кенгаши секин-аста халқаро саҳнада мустаҳкамлашиб бормоқда. Бу ҳукумат вакиллари Россия ташқи ишлар вазири Сергей Лавров билан ҳам Москвада кўришдилар ва яқинда Россия Ливия Миллий Кенгашини тан олишини билдирдилар.

Кеча НАТШ авиацияси Ливия пойтахтини яна бомбардимон қилди. Кўринишидан, мақсад Муаммар Каддафини йўқ қилиш бўлган, аммо у бу сафар ҳам қутилиб қолганга ўхшайди. Нима бўлса ҳам, унинг кунлари битиб бораётгани аниқ.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону