15 April 2011
13:10 - Ғазода салафийларнинг ваҳшийлиги Ўзбекистон режимининг тилини узун қилади
Кеча видео-баёнот тарқатган ғазолик Салафийлар гуруҳи италиялик журналист Витторио Арригонини ушлаб турганини, агар Ғазода ҳукмрон бўлган “Хамас” тарафидан бир ойча аввал ҳибсга олинган ўз лидерлари 30 соат ичида озод қилинмаса, италиялик ўлдирилишини билдирганди. Бугун ўша италияликнинг ўлиги бир ташландиқ уйдан топилган.

Reuters агентлигининг хабарида айтилишича, бу италиялик бир неча йилдан бери Ғазаода яшар экан ва асосан филистинликларни ҳимоя қилиш билан шуғулланган. Салафийлар эса Ал-Қоида билан ҳамкорлик қилади, деб ҳисобланади.

Салафийларнинг Ал-Қоида билан боғлангани ва кеча улар тарафидан бегуноҳ италияликнинг ўлдириши, Ўзбекистон режими учун юртимизда борган сари кучайиб бораётган салафийлар оқимига қарши репрессияларни кучайтиришга баҳона бўлади.

Маълумки, Ўзбекистонда шундоқ ҳам салафийлар ови анчадан бери давом этмоқда. Ўтган йили таниқли журналист ва спорт шарҳловчиси Хайрулла Ҳамидов ҳам шу оқимнинг раҳбарларидан бири сифатида қамалганди. Мустақил кузатувчилар ҳам Ўзбекистон мусулмонлари ичида салафийликка қизиқиш ортиб бораётганини таъкидлайдилар.

Яна шу нарса ҳам мълумки, Шимолий Кавказдаги террористлар ичида салафийлар оқимига мансублар кўп. Салафийлар тушунчасининг аниқ тарифи ҳам йўқлиги сабабли, Россия режими ҳам, Ўзбекистон режими ҳам ўзига ёқмаган ҳар қандай одамни салафийликда айблаши мумкин.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону