08 September 2010
00:35 -
Жорж Сорос бугун Human Rights Watch ташкилотига 100 млн доллар тортиқ қилмоқчи
АҚШнинг энг обрўли New-York Times газетасининг бугунги сонида айтилишича, дунёнинг энг бой филантропларидан бири Жорж Сорос бугун Human Rights Watch ташкилотига 100 млн долларлик ҳомийлик ёрдами беришини эълон қилади.Бу Human Rights Watch ташкилотининг тарихидаги унга берилган энг катта ёрдам бўлар экан.
Газетанинг ёзишича, Жорж Сороснинг бу хомийлик ёрдами жорийдаги йилда қилинган катталиги бўйича иккинчи ҳомийлик ёрдами бўлади. 2006-2008 йиллари бундай катта ёрдамларнинг сони 13 тадан бўлган бўлса, 2009 йилда 6 га тушган. 2010 йилнинг бугунига қадар исмини ўлганидан кейингина очиқланишини истаган бир одам Байлор Университетининг тиббий тадқиқотлари учун 200 млн доллар ёрдам берибди. Бу одам бир вақтлар шу Университетни битирганлигигина маълум.
Шу дақиқаларгача Сорос ўз қарорини очиқлагани ҳақида хабар бўлмади.
