17 June 2010
00:12 -
SOS: Ўзбекнинг қони дарё бўлиб оқмоқда. Нега жим турибсиз? (Ўзбекистон инсон ҳуқуқлари “ Эзгулик” жамиятининг мурожаати, 16.06.2010)
Европа Иттифокининг президенти Херман Ван Ромпуйга (Herman Van Rompuy)
Европа Комиссиясининг раиси Жозе Мануэл Баррозага (José Manuel Barroso)
Бирлашган Миллатлар Ташкилотининг Бош котиби Пан Ги Мунга (Вan Ki- moon)
Халқаро ташкилотлар, дипломатик корпус ваколатхоналари, демократик ҳамжамият ва жамоатчилик вакиллари! Қирғизистон жанубида этник ўзбекларни хўрлаш, уларга нисбатан геноцид мана бир неча кундирки давом этмоқда. Зўрланаётган, тириклайин ёқилаётган аёллар ва болалар, шафқатсиз, ноинсоний қийноқларга солинаётган, бозор ва жамоат жойларига осиб кетилаётган инсонлар тақдири бутун дунёни ларзага солмоқда.
Марказий Осиё мамлакатларининг ўз тинчини ўйлайдиган бефарқ раҳбарлари сукунати тушунарли. Рус корчалонларининг хийла-найранглари тарихдан маълум. Лекин Грециядаги молиявий можаро, Мексикадаги нефтнинг денгизга оқиб кетишига бефарқ бўлмайдиган халқаро ташкилотлар, тузилмалар нега жим? Кўзи қонга тўлган, шафқатсиз ва инсоний қиёфасини йўқотган қирғиз экстремистлари ишини қоралашдан, юзаки баёнотлар эълон қилишдан нарига ўтмаётган БМТ, Европада хавфсизлик ва ҳамкорлик ташкилоти сингари демократик институтлар қани?..
Қирғизистон ўзбекларига қарши амалда бошланган қатли омнинг ижрочилари кимлиги аниқ, геноциддан пинак бузмаётган мамлакат вақтли ҳукумати раҳбари Роза Ўтинбоева ҳамда унинг лўттибоз шериклари-ю, кўланкаси намоён бўла бошлаган қудратли ташкилотчи биродаркуш нифоқларига ўт қалаган бўлса, нега жаҳон ҳамжамияти сукут сақлаши керак. Ўзларининг давлат бошқарувидаги нўноқлиги, фашистик кайфиятга мойиллигини хаспўшлашга уринаётган Қирғизистон вақтли ҳукуматининг қутқуларига қачонгача ишониш мумкин.
Шундай экан, халқаро тинчликпарвар кучларнинг мутлақо ожиз ва заиф ўзбекларни ҳимоя қилиши учун яна қанча одам ўлиши керак? Яна қанча ўзбекнинг уйи куйиб, қонлари оқиши лозим. Шуҳратпараст, худбин сиёсатчиларнинг бефарқлигига қанча чидаш мумкин? Ёки айрим давлат раҳбарлари таъкидлаётганидек, ўзбекларни ўлдириш Қирғизистоннинг ички ишими? Ахир, қачондан бери оммавий қотиллик, геноцид ёки инсон ҳуқуқлари масаласи мамлакатнинг хос ишига айланган?
Ўзбекистон инсон ҳуқуқлари “Эзгулик” жамияти инсониятга қарши жиноятлар борасидаги халқаро келишувларга мувофиқ, АҚШ ҳукумати, Европа Иттифоқи, ЕХҲТ, абадий дўстлик ҳақидаги шартномани имзолаган Марказий Осиё мамлакатлари раҳбарларини жанубий Қирғизистон борасида кескин амалий чоралар кўришга чақиради.
Европа Комиссиясининг раиси Жозе Мануэл Баррозага (José Manuel Barroso)
Бирлашган Миллатлар Ташкилотининг Бош котиби Пан Ги Мунга (Вan Ki- moon)
Халқаро ташкилотлар, дипломатик корпус ваколатхоналари, демократик ҳамжамият ва жамоатчилик вакиллари! Қирғизистон жанубида этник ўзбекларни хўрлаш, уларга нисбатан геноцид мана бир неча кундирки давом этмоқда. Зўрланаётган, тириклайин ёқилаётган аёллар ва болалар, шафқатсиз, ноинсоний қийноқларга солинаётган, бозор ва жамоат жойларига осиб кетилаётган инсонлар тақдири бутун дунёни ларзага солмоқда.
Марказий Осиё мамлакатларининг ўз тинчини ўйлайдиган бефарқ раҳбарлари сукунати тушунарли. Рус корчалонларининг хийла-найранглари тарихдан маълум. Лекин Грециядаги молиявий можаро, Мексикадаги нефтнинг денгизга оқиб кетишига бефарқ бўлмайдиган халқаро ташкилотлар, тузилмалар нега жим? Кўзи қонга тўлган, шафқатсиз ва инсоний қиёфасини йўқотган қирғиз экстремистлари ишини қоралашдан, юзаки баёнотлар эълон қилишдан нарига ўтмаётган БМТ, Европада хавфсизлик ва ҳамкорлик ташкилоти сингари демократик институтлар қани?..
Қирғизистон ўзбекларига қарши амалда бошланган қатли омнинг ижрочилари кимлиги аниқ, геноциддан пинак бузмаётган мамлакат вақтли ҳукумати раҳбари Роза Ўтинбоева ҳамда унинг лўттибоз шериклари-ю, кўланкаси намоён бўла бошлаган қудратли ташкилотчи биродаркуш нифоқларига ўт қалаган бўлса, нега жаҳон ҳамжамияти сукут сақлаши керак. Ўзларининг давлат бошқарувидаги нўноқлиги, фашистик кайфиятга мойиллигини хаспўшлашга уринаётган Қирғизистон вақтли ҳукуматининг қутқуларига қачонгача ишониш мумкин.
Шундай экан, халқаро тинчликпарвар кучларнинг мутлақо ожиз ва заиф ўзбекларни ҳимоя қилиши учун яна қанча одам ўлиши керак? Яна қанча ўзбекнинг уйи куйиб, қонлари оқиши лозим. Шуҳратпараст, худбин сиёсатчиларнинг бефарқлигига қанча чидаш мумкин? Ёки айрим давлат раҳбарлари таъкидлаётганидек, ўзбекларни ўлдириш Қирғизистоннинг ички ишими? Ахир, қачондан бери оммавий қотиллик, геноцид ёки инсон ҳуқуқлари масаласи мамлакатнинг хос ишига айланган?
Ўзбекистон инсон ҳуқуқлари “Эзгулик” жамияти инсониятга қарши жиноятлар борасидаги халқаро келишувларга мувофиқ, АҚШ ҳукумати, Европа Иттифоқи, ЕХҲТ, абадий дўстлик ҳақидаги шартномани имзолаган Марказий Осиё мамлакатлари раҳбарларини жанубий Қирғизистон борасида кескин амалий чоралар кўришга чақиради.
