13 June 2010
23:23 - Агар 75 минг ўзбек Қирғизистондан қочишга мажбур бўлган бўлса, Ўзбекистон ҳукуматини хоин ва жиноятчилар гуруҳи деб эълон қилиш керак
Русларнинг РИА Новости агентлиги Ўзбекистон Фавқулодда ҳолатлар вазирлигига асосланиб, 75 минг ўзбек Қирғизистондан Ўзбекистонга қочиб келганини билдирди. Бу хабарда янглишлик бўлса керак. Бир кунда 75 минг кишинининг чегарадан ўтишини кўз олдига келтириш ҳам қийин.

Мабода, шундай бўлган бўлса, яъни шунча ўзбек жон аччиғида ўз жойини ташлаб қочишга мажбур қилинган бўлса ва Ўзбекистон ҳукумати буни кўра-била туриб, Ўшга ўз армиясини олиб кирмаётган бўлса, мавжуд ҳукумат миллатга сотқинлик қилган жиноятчилар тўдасидир. Ўзбек халқи ахир бир кун шундай ҳукм чиқаради.

Шунча одамнинг Ўзбекистонга қочиб келиши, биринчи навбатда, Фарғона водийсида портлаш каби воқеаларга сабаб бўлиши муқаррар. Будай портлаш – мавжуд режимнинг сўнгги бўлади. Ўзбекистон ҳукумати энди ўз тақдирини ўйлаб бўлса ҳам, Қирғизистондаги қон тўкилишининг олдини олиш мақсадида, у ерда жарёнларга аралашиши, ўз армиясини Қирғизистон жанубига олиб кириши керак.

Лекин, қайтариб айтамиз ва умид қиламиз, рус хабарларида янглишлик бор.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону