05 June 2010
07:10 - Афғонларнинг Жирғаси Ҳамид Карзайга толиблар билан музокара олиб бориш ҳаққи берди
Афғонистондаги қабилаларнинг оқсоқоллари ва диний лидерлардан иборат халқ маслаҳати кенгаши мақомига эга бўлган норасмий йиғилиш - Лойя жирға кеча Қобулда ўз ишини тамомлади. Унинг биринчи куни президент Ҳамид Карзай нутқ сўзлаётган пайтда Толибон жангарлари бир қатор террористик акциялар уюштириб, Жирғанинг ишини бузишга ҳаракат қилдилар, аммо ҳеч нарса қилолмадилар.

1600 киши қатнашган бу йиғилиш БМТ тарафидан ҳам олқишланди. Жирғанинг асосий қарори - тарафларни ўқ отишни тўхтатиш ва музокаралар бошлашга чақириш бўлди. Жирға Ҳамид Карзайга жангарилар билан музокара олиб бориш ваколати берди.

Жирға каби йиғилишлар ўтказиш афғонларнинг анъанаси эканлигини ҳисобга олганда ҳам, дейди мухбиримиз, ҳеч қандай ваколати бўлмаган одамларнинг бу каби йиғилиши расмий ваколатларга эга бўлган президентга кўрсатмалар бериши 21 аср учун ножиддийликдир. Шу сабабли, бу йиғилишдан ҳеч қандай фойда бўмаслиги ҳозирданоқ маълум. Бунинг устига, толиблар мавжуд ҳукумат билан музокара олиб бормасликларини аллақачон эълон қилиб бўлишган. Демак, минг афсуски, мавжуд шартлар остида, НАТО ва АҚШ қўшинлари ғалабага қадар ҳарбий амалиётлар олиб боришга маҳкумлар.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону