05 June 2010
06:32 - АҚШнинг молиявий системасидаги беқарорлик битмаяпти
Бу мамлакатдаги фондлар, яъни қимматли қоғозлар (акциялар) бозоридаги нархларнинг кўрсатгичи - Dow Jones индекси шу йил май ойининг биринчи ҳафтасида 5 фоизга тушгани, тўғрироғи ўпирилганини билдиргандик. Ўшанда Dow Jones индексининг абсолют миқдори 10380 гача тушиб кетганди.

Шундай кейин вазият барқарорлашгандек бўлди. Аммо, кеча АҚШнинг фондлар бозорида яна ўпирилиш бўлди. Бир кунда Dow Jones индекси 10250 дан 9931 га тушди, яъни бир кунда у 3,16 фоиз қиймат йўқотди. Шундай қилиб, бу индекс ўтган йилнинг ноябрь ойидаги даражага тушди.

Эслатиб ўтамиз, 2008 йил августда бошланган молиявий кризисдан аввал Dow Jones индекси 13000-14000 атрофида ўйнаб турарди. Кризис натижасида унинг қиймати тахминан 7000 минг бўлиб қолган. Ҳозир у умуман олганда кўтарилмоқда, аммо кутилмаган тушиш-чиқишлар билан.

Dow Jones индексининг кечаги тушишининг сабаби сифатида АҚШда янги иш жойлари яратиш сўнгги ойда кутилган даражада юксак бўлмагани ва Венгрияда молиявий инқироз аломатлари пайдо бўлгани айтилмоқда.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону