30 May 2010
13:50 -
Исломчи террористлар Покистонда 93 мусулмонни масжидларда ўлдирдилар
Жума куни Покистоннинг Лаҳор шаҳрида иккита масжидга уюштирилган исломчи террористларнинг ҳужуми натижасида қурбон бўлганларнинг сони 93 га чиқди, юзга яқин ярадор бор, дейилади Reuters агентлигининг хабарида.Жума номозидан кейин аҳмадийларнинг иккита масжидига ҳужум қилган исломчи террористлар 30 га яқин мусулмонни ўлдириб, ҳар бир масжидда мингтадан ортиқ одамни гаровга олдилар. Полиция кучлари масжидлардан бирини озод қилиш учун киришганда, у ердаги террористлар ўзларини портлатиб, ўлганларнинг сонини яна кўпайтирдилар. Иккинчи масжиддаги аҳвол ҳақида ҳали янги хабар йўқ.
Маълумки, ўзини портлатиш эвазига бошқаларни ўлдириш – арабларнинг Исроилда яҳудийларга қарши курашдаги ихтироси эди. Аммо, яҳудийлар тезда ўз хавфсизликларини таъминлаш системасини яратгач, арабларнинг ихтироси Ироқ, Афғонистон ва Покистон каби мамлакатларда мусулмонлар тарафидан мусулмонларни йўқ қилиш учун ишлатилмоқда.
Исломда ислоҳотлар ўтказилмас экан, бундай қонхўрлик тўхтамайди.
