19 May 2010
15:08 -
Обама бутун дунёда матбуот эркинлигини ҳимоя қиладиган қонунни имзолади
Душанба куни АҚШ президенти Барак Обама томонидан имзоланган қонуннинг расмий номи - “Даниел Пирл Матбуот Эркинлиги Акти”. Даниел Пирл 2001 йил 11 сентябрдаги террористик ҳужумлардан бироз кейин Покистонда ўлдирилган америкалик журналистдир. Ўша ҳужумларни режалаштирганини айтаётган Ҳали Муҳаммад 2002 йили Покистонда ушланиб, АҚШ олиб келингач, Даниел Пирлни шахсан ўзи ўлдирганини ҳам тан олганди.Бу қонунни тантанали имзолаш маросимида Даниел Пирлнинг беваси Марианна ва ўлимидан кейин туғилган ўғли Адам иштирок этдилар.
Ўзбекистон каби матбуот эркинлиги бўлмаган мамлакатлар учун бу қонуннинг муҳимлиги шундаки, унга кўра, Давлат Департаментининг инсон ҳуқуқлари бўйича қилинадиган йиллик ҳисоботларида бундан буён матбуот эркинлигининг бўғилишига доир ҳоллар ҳам ёритилиши керак.
