05 August 2004
03:00 -
22:00 - Дардманд иктисодга даво излаб...
Доно аёл, Буюк Британиянинг собик бош вазири Маргарет Тэтчер хар бир эркин, демократик давлатнинг икки аломати бўлади деган эди. Улардан бири адолат тантанаси бўлса, иккинчиси соглом валютадир. Ана шунда фукаролар хам ўзларини бардам тутишар экан.
Ўзбекистонда-чи? Гарчи хукумат пул кадрсизланиши (инфляция) даражаси пасайди, яъни сўмимиз согломлашаяпти деб эълон килаётганига карамй, амалда бу золим охиста ўрмалаб, оддий кишилар хамёнини горат килмокда. Айникса хукумат маош ва пенсиялар микдорини шу йил 1 августидан бошлаб 1,3 бараварга кўтариш карорини чикаргач, бозордаги нарх-наволар сезиларли даражада жонланиш томонига ўтди. Куни кеча бензин бахолари яна 10 сўмга кимматлашди.
Ўзбекистон хукумати мавжуд бедаво холатга даво излаётгандек бўлиб кўринмокда. Кеча, 4 август куни Оксаройда президент Ислом Каримов хузурида бўлиб ўтган йигилиш хам бунга мисол бўлади.
Республиканинг бугунги расмий газеталари 1-сахифаларида шу хакда катта фотосуратлар билан кичкинагина хабар берди. Киска бўлгани учун хабарни айнан келтирамиз. "Унда тегишли вазирлик ва идоралар рахбарлари иштирок этди. Йигилишда келгуси йилнинг иктисодий стратегияси, солик ва давлат бюджет сиёсати концепцияси хамда 2005 йилнинг асосий макроиктисодий кўрсаткичлари ва давлат бюджети лойихаси мухокама килинди." Вассалом.
Бунда бир сирни андаккина ошкор киламиз. Кечаги йигилиш ва унинг мавзуи, айтишларича, Файзулла Муллажонов кўлида, сўнгра президент девонида ишлаган ва якинда Мамаризо Нурмуродов ўрнига янги молия вазири этиб тайинланган Саидахмад Рахимов ташаббуси экан. Лекин мансабдорлар бир хакикатни тезрок англаб олишларини жуда истардик: Ўзбекистонда чин демократик ва иктисодий эркинликлар карор топмас экан, бундай ташаббуслардан наф бўлиши даргумон.
