24 April 2010
02:09 -
Андижон қочқини устидан маҳкама очилди
Кеча жиноят ишлари бўйича Андижон вилояти судида 2005 йил 13 майдаги Андижон қатлиомидан сўнг мамлакатни тарк этиб, кейин қайтиб келган Дилором Абдуқодирова устидан маҳкама очилди. Бу ҳақда судланувчининг ўғли Миролимга таяниб, хабар қилган “Озодлик” радиоси Дилором Абдуқодированинг мамлакат чегарасини ноқонуний кесиб ўтиш, конституциявий тузумга тажовуз қилиш ҳамда норасмий диний оқимга мансубликда айбланаётганини таъкидлаган. Маҳкама жараёни ёпиқ, ўзгалар иштирокисиз ўтказилмоқда.
Дилором Абдуқодирова Андижон воқеаларидан сўнг мамлакатни тарк этиб, Австралиядан бошпана топганди. Эри ва кекса қайнонасининг қистови билан шу йилнинг 12 мартида Андижонга қайтиб келган бу аёл дарҳол ҳибсга олинган. Андижон воқеаларидан сўнг ўтказилган Олий Суд маҳкамасида унинг синглиси Маҳбуба Зокирова ҳукуматнинг одамларни ўққа тутгани ҳақида гувоҳлик бериб, режимни анчайин довдиратиб қўйгани ҳам ўқувчиларимизга маълум.
Дилором Абдуқодирова Андижон воқеаларидан сўнг мамлакатни тарк этиб, Австралиядан бошпана топганди. Эри ва кекса қайнонасининг қистови билан шу йилнинг 12 мартида Андижонга қайтиб келган бу аёл дарҳол ҳибсга олинган. Андижон воқеаларидан сўнг ўтказилган Олий Суд маҳкамасида унинг синглиси Маҳбуба Зокирова ҳукуматнинг одамларни ўққа тутгани ҳақида гувоҳлик бериб, режимни анчайин довдиратиб қўйгани ҳам ўқувчиларимизга маълум.
