12 April 2010
13:31 - Олмос Атамбаев Москвадан кафолатлар келтиргач, Вақтли ҳукумат аввал қабул қилинган бир даста ноқонуний ҳужжатларини эълон қилди
Кеча кечқурун, маҳаллий вақт билан соат 22:01 дан 22:40 гача Қирғизистон Миллий Ахборот Агентлиги “Кабар” Вақтли ҳукумат ўз-ўзини тузгани ва мамлакатдаги бутун ҳокимиятни ўз қўлига олгани хусусидаги биринчи сонли Декрет ва бир қатор фармон-қарорларини эълон қилди.

Декретнинг матни бизнинг аввалги хабаримизда бор. Фармон-қарорлар эса, Қирғизистоннинг Туркия, АҚШ ва Германиядаги элчиларини вазифасидан бўшатиш, Миллий Хавфсизлик Комитети раиси, Ички ишлар вазири, Вақтли ҳукумат идорасининг раҳбарини тайинлаш ҳамда қўзғалон кунлари ҳалок бўлганларнинг оилаларига ва жароҳатланганларга моддий ёрдам бериш ҳақида. Улар 7-8 апрель кунлари имзоланган экан.

“Кабар”нинг бошқа бир хабаридан маълум бўлишича, Вақтли ҳукумат кеча кеч кечқурун ўтказилган мажлисида Вақтли ҳукумат Бош вазирининг ўринбосари Олмосбек Атамбаевнинг Москвага сафари, Россия раҳбариятидаги учрашувлари ва уларнинг натижалари ҳақида ахбороти тингланибди.

Шундан тахмин қилса бўладики, Олмосбек Атамбаев Вақтли ҳукуматни тўла қўллаб-қувватлаш ҳақида Россиянинг ҳукмдори Путинининг кафолатларини, иқтисодий ёрдам хусусидаги ваъдаларини олиб келган, ана шундан руҳланган Вақтли ҳукумат гўёки 7-8 апрель кунлари имзоланган Декрет, фармон ва қарорларни эълон қилган. Чунки, Путиннинг ёрдамисиз бу ноқонуний ҳукумат оёқда қоломаслигини, у оёқда қололмаса, эълон қилинган Декрету фармон ва қарорлар тўғридан-тўғри жиноий иш очишга асос эканлигини бу ҳукумат раҳбарлари жуда яхши тушунадилар.

Қолаверса, касби дипломат бўлган Роза Отунбоева ўзи 7 апрелда имзолаган Декрет моҳияти билан бир маҳаллар Куба диктатори Фидель Кастро, Ливия диктатори Муаммар Каддафий, Ироқ диктатори Саддам Ҳусайин эълон қилган декретлардан фарқи йўқлигини яхши билади. Уларку мустақил диктаторлар эди, қўшнимиздан нима чиқар экан?
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону