АҚШнинг Яқин Шарқдан тортиб, Афғонистонгача бўлган ҳудудлардаги қўшинларининг Марказий қўмондонлиги раҳбари генерал Дэвид Петреус кеча Остонда бўлган вақтида Ўзбекистонга ҳам келишини билдиргани бизнинг сайтда ҳам хабар қилинганди. Энди маълум бўлишича, у кечаёқ Ўзбекистонга келган ва бугун мамлакатимизни тарк этган. Бу ҳақда кимники эканлиги ҳам номаълум бўлган рус тилидаги gazeta.uz сайти Тошкентдаги АҚШ элчихонасининг матбуот хизматига асосланиб ҳозиргина хабар берди.

Хабарда Дэвид Петреус Ўзбекистон президенти Ислом Карим билан учрашгани ва икки тарафни қизиқтирадиган масалалар муҳокама қилингани айтилади, холос. Учрашувни кўрсатувчи расм кимдан олингани ҳам номълум. Ўзбекистоннинг расмий ахборот воситалари ҳали жим.

Дэвид Петреус ўтган йили ҳам икки марта, февраль ва август ойларида Тошкентда бўлган эди.