02 August 2004
03:00 -
22:00 - Бахром Хамроевнинг биринчи инстанциядаги суди битди
Мастлик - ростлик
29 июлдаги хабаримизда 30 июль куни "Харакат" журналининг Россиядаги вакили Бахром Хамроев устидан олиб борилаётган махкама жараёнининг битиши кутилмокда, деган эдик. Аммо, ўша куни суд Бахром Хамроевнинг сўнги сўзини тинглаш билан кифояланиб, хукм ўкишни бугун, 2 августга колдирган эди. Хозиргина Бахромнинг хотини Асия Исмоилова ишнинг натижасини билдирди. Судя Любовь Ишмуратова Бахром Хамроевнинг фойдасига берилган кўрсатмаларни унинг якинлари, я’ни манфаатдор одамлар томонидан берилган, унга карши махсус хизмат ходимлари тарафидан берилган кўрсатмалар эса, чалкаш бўлса хам, хакикатга якин деб хисоблаб ва Бахром Хамроевга берилган кўплаб ижобий характеристикаларни назарга олиб, уни 1,5 йил муддатга озодликдан махрум килишга карор килган ва бу муддатни белгиланган яшаш жойларидан бирида ўтишни белгилаган.
Шундай килиб Ўзбекистон ва Россия махсус хизматлари тарафидан тахминан 1 йилдан бери “Харакат” журналига карши олиб борилган кампаниянинг биринчи боскичи битди. Бахром Хамроев суд залиданок ушланиб вактинчалик изоляторга олиб кетилди. Бахром Хамроевнинг адвокати якин кунларда Москва шахар судига аппеляция билан мурожаат килади, Россиялик хукук химоячилари эса, бу иш бўйича Россиянинг омбудсмани Владимир Лукинга мурожаат килмокчилар.
Ўзбекистонлик мухолифатчи ва хукук химоячилари хам Бахром Хамроевнинг иши бўйича адолатнинг галабаси учун керакли бўлган хама нарсани килишни давом эттирадилар, деган “Бирлик” Партиясининг раиси, “Харакат” журнали лойихасининг рахбари Абдурахим Пўлат, журналнинг нашри тўхтатилмаслигини хам билдирди.
Аввалги хабаримизда Ўзбекистон президентининг Тошкентдаги сўнгги портлашлар хакида телевидениега берган интервьюсида унинг нафаси етишмай, ўзига нохос тарзда салмокланганини шунчаки айтиб ўтган эдик. Боз устига, давлат рахбарининг гайри табиий карашлари ва уланмаган жумлалари интервьюни кўрган кўпгина телетомошабинларда унинг соглиги жойидами деган савол тугдирди.
Бир тележурналистнинг маълум килишича, президент девонининг оператори Т.К. томонидан тасвирга олинган мазкур телематериал эфирга берилишидан аввал шундайин хам анчагина "силликланган" экан. Телетомошабинларни турли хаёлларга олиб борган нарса президентнинг бардам ва сўзамол бўлиш учун интервьюгача спиртли ичимлик ичиб олгани бўлган.
Ажаб, содда одамлар нималарни ўйлашмайди? Биз эсак интервьюда айтилганлар рост деб хисоблаймиз. Ахир мастлик ростлик-да.
