14 March 2010
03:42 - Қандоҳорда учта портлаш, 27 ўлик ва 50 ярадор бор
Толиблар энг катта кучга эга бўлган Қандоҳор вилоятининг марказида бугун ярим кечага яқин бир нечта портлаш юз берди, деб хабар беради Reuters агентлиги. Портлашларнинг бири полиция маркази, иккинчиси вилоят Кенгашининг раиси, президент Карзайнинг укаси Вали Карзайнинг идораси олдида бўлган. Вали Карзайнинг ўзи бугун Қобулда экан.

Ўлганлар ичида полиция ходимлари ва оддий одамлар бор. Учинчи ва энг кучли портлаш шаҳардаги қамоқхона олдида уюштирилган. Мақасад, бундан икки йилча аввал ҳам бўлгани каби, қамоқхонадаги жангариларни озод қилиш бўлган бўлса керак. Ўшанда толиблар 1000 кишини озод қилишга эришишган эди. Аммо, бу сафар қамоқхонага зарар ҳам етказилмаган.

Маълумки, АҚШ ва НАТО қўшинларининг қўмондонлари яқинда Қандоҳор вилоятида Ал-Қоида ва Толибон кучларни бутунлай тор-мор этиш мақсадида катта операция бошланишини билдиришганди. Кўринишидан, бу операцияга жангарилар ҳам тайёрланишмоқда ва биринчиликни қўлга олишмоқчи. Аниқроғи, “ётиб қолгунча – отиб қол” қабилида ҳаракат қилишмоқда.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону