12 March 2010
01:49 - Одамларнинг “Пахтабанк”даги омонталари ғойиб бўлди, адвокатлар хурсанд
Шу кунларда “Пахтабанк” Тошкент шаҳар прокуратураси ҳамда МХХнинг Тошкент шаҳар бошқармаси чиғириғидан ўтказилмоқда. Банк ходимларига кўра, бир кечада юзлаб фуқароларнинг банкдаги омонатлари ғойиб бўлган. Уларнинг мурожаатлари асосида тафтишчилар банкни ғалвирдан ўтказишмоқда. Маълум бўлишича, банкнинг омонат бўлими депозитлари ўмарилган ва мазкур Департемент бошлиғи бўлган шахс хорижга қочиб кетган.

Пулларидан ажралиб, уйи куйган фуқаролар тўрт томонга зир югурган, кимнидир юрак хуружи тутган, яна кимнингдир қон босими ошган. Банк ходимлари эса вазиятдан қандай қутулиш чорасини излаб, тўрт томонга зир югурмоқда.

Бу ҳолдан фақатгина банк биноси рўпарасидаги адвокатлар ҳайъати вакиллари хурсанд. “Отнинг ўлгани - итга байрам” деганларидек, адовкатларнинг иш майдони анча кенгаяди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону