05 February 2010
14:17 -
Нью-Йорк биржаларида нефтнинг нархи ва бизнес активлигини кўрсатувчи Dow Jones индекси тушди
Дунё бозорларида стратегик маҳсулотларнинг нархи ва бизнес фаоллигини кузатиб борувчи Bloomberg ширкатининг сайтидаги хабарлардан маълум бўлишича, кеча Нью-Йорк биржасида нефтнинг нархи сўнгги 4 ой ичидаги энг паст даражага тушган ва унинг бир баррели $72,96 дан сотилган.
Кўп ҳолларда нефть нархининг тушиши бозорга чиқарилган нефть миқдорининг ортишидан эмас, унга бўлган талаб озайишидан, АҚШда нефтга бўлган талабнинг камайиш сабаби эса, бизнес фаоллигининг пасайишидан бўлади.
Кеча айнан шундай бўлибди. АҚШдаги фондлар, яъни қимматли қоғозлар бозорининг фаоллик даражасини кўрсатувчи Dow Jones индкси 2,61% га тушиб, унинг абсолют миқдори 10002,18 пунктга тенглашибди.
Эслатиб ўтамиз, 2008 йил ёзда бошланган молиявий-иқтисодий кризисдан аввал Dow Jones индекси 13000-14000 атрофида ўйнаб турган бўлса, 2009 йилнинг феараль ойида энг паст нуқтага тушиб, тахминан 7000 бўлганди. Кейин ортиш бошланди, бир ҳафтача аввал индекс 10500 га қадар етиб борганди. Кўриниб турибдики, Dow Jones шу кунларда яна тушишга бошлади.
Бу тушиш Dow Jones индексининг доимий бўладиган “ўйнаб туриш” диапазони ичида бўлса керак. Чунки, экспертларнинг фикрича, АҚШ иқтисоди тузалиб бормоқда ва у яна кризисга учраши мумкинлигини кўрсатувчи факторлар йўқ. Сорос каби машҳур молиячиларнинг турли салбий башоратлари спекулятив деб ҳисобланмоқда.
Кўп ҳолларда нефть нархининг тушиши бозорга чиқарилган нефть миқдорининг ортишидан эмас, унга бўлган талаб озайишидан, АҚШда нефтга бўлган талабнинг камайиш сабаби эса, бизнес фаоллигининг пасайишидан бўлади.
Кеча айнан шундай бўлибди. АҚШдаги фондлар, яъни қимматли қоғозлар бозорининг фаоллик даражасини кўрсатувчи Dow Jones индкси 2,61% га тушиб, унинг абсолют миқдори 10002,18 пунктга тенглашибди.
Эслатиб ўтамиз, 2008 йил ёзда бошланган молиявий-иқтисодий кризисдан аввал Dow Jones индекси 13000-14000 атрофида ўйнаб турган бўлса, 2009 йилнинг феараль ойида энг паст нуқтага тушиб, тахминан 7000 бўлганди. Кейин ортиш бошланди, бир ҳафтача аввал индекс 10500 га қадар етиб борганди. Кўриниб турибдики, Dow Jones шу кунларда яна тушишга бошлади.
Бу тушиш Dow Jones индексининг доимий бўладиган “ўйнаб туриш” диапазони ичида бўлса керак. Чунки, экспертларнинг фикрича, АҚШ иқтисоди тузалиб бормоқда ва у яна кризисга учраши мумкинлигини кўрсатувчи факторлар йўқ. Сорос каби машҳур молиячиларнинг турли салбий башоратлари спекулятив деб ҳисобланмоқда.
