15 January 2010
05:49 -
Дунёнинг энг узун ва энг қисқа бўйли одами Истанбулда учрашди
Гиннесса рекордлар китобига кўра, дунёнинг энг узуни бўйли (246,5 см) одами Султон Кўса Туркияда яшашини аввал хабар қилгандик. Маълум бўлишича, дунёнинг энг қиқсқа бўйли одами Ҳе Пингпинг (73,5 см) Хитойда яшар экан. Guinness World Records Live ширкати Султон Кўса билан Ҳе Пингпинг шу кунларда Истанбулда учраштиришди.Расмда кўриниб тургандек, Ҳе Пингпинг бўйи Султон Кўсанинг оёғининг ярмида. Аммо, бу икки одам бир-бирлари билан яхши тил топиб ҳасратлашибди. Султон Кўса ўз бўйига яраша қиз топиб, ўйланишни орзу қилар экан, Ҳе Пингпинг эса нормал бўйли хотини бор эмиш.
Докторларнинг айтишича, бўйиннинг узунлиги ҳам қисқалиги ҳам касаллик. Масалан, Султон Кўсанинг бўйи тўхтовсиз ўсиб кетаётганида, уни бир неча марта операция қилишган, қандайдир безларни олиб ташлашган ва ўсишни тўхтатишган. Аммо, ҳали бу касалликни тузатишни докторлар билишмайди.
Ҳе Пингпинг ва Султон Кўса бир ойча Истанбулда, сўнгра Туркиянинг бир қатор шаҳарларида бўлиб, Guinness World Records Live тарафидан уюштирилган турли шоуларда иштирок этишар экан.
