27 December 2009
03:49 - Delta компаниясининг Амстердам-Детройт учоғи атрофидаги гаплар ҳали ҳам чалкаш
Бу учоқни портлатиш ҳаракатида бўлган Нигериялик Умар Фарух Абдул Муталлаб пассажирлар томонидан ушлангандан кейин, Нигериядан бошлаб АҚШгача ҳар ерда текширув ишлари олиб борилмоқда. Лекин ҳалигача тўла аниқлик йўқ.

Бу 23 ёшли йигитнинг номи ҳам турли ерларда турлича ёзилмоқда. Бунинг устига, Reuters агентлигига кўра, Лондондаги Университет коллежи ўз рўйхатларида бундай одамнинг йўқлигини айтибди. Wall Street Journa газетаси Умар Фарух полицияга берган ифодаларига асосланиб, у портлативчи модда ва жиҳозларни Йеменда Ал-Қоида агентларидан олганини ёзади. NBC телеканали эса, АҚШнинг террорга қарши курашувчи ташкилотларига асосланиб, у ўз ташаббуси билан иш қилганини айтади.

Оқ Уй расмийлари террористик акт содир қилишга ҳаракат бўлганига ишонишларини айтишмоқда, дейилади Reuters агентлигининг хабарида. Яна шу ерда айтилишича, Умар Фарух Абдул Муталлаб Нигериядаги таниқли собиқ банкир Умар Муталибнинг ўғли эмиш.

Хуллас, маҳаллада..., э кечирасиз, бутун дунёда шов-шув, аммо чалкаш, гап.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону