04 August 2005
03:00 - 17:00 - Ўзбекистонда диний-сиёсий судловлар давом этмокда - Мавжуд режим дипломатиясининг ўйинлари
17:00 - Ўзбекистонда диний-сиёсий судловлар давом этмокда

Ўзбекистондаги атеистик режим «Хизб ут-Тахрир» ва бошка диний окимларга карши аёвсиз курашини давом эттирмокда.. Хукук химоячиларининг хабарига кўра, МХХнинг, масалан, Самарканд вилоят бўлими томонидан «Хизб ут-Тахрир»га мансубликда гумон килиниб, камокка олинган ўнларча кишилар устидан хозир тергов жараёнлари бормокда. Бундан бир хафта мукаддам Самарканд вилояти жиноий ишлар судида шундай айблар билан 21–46 ёшлар ўртасидаги ургутлик ва самаркандлик 5 эркакка Ўзбекистон ЖКнинг одатий моддалари бўйча хукм ўкилди. Улар «Хизб ут-Тахир»га кирганликларидан пушаймонликларини эътироф этиб, бу хатоликни такрорламасликка сўз берганликларига ва Ўзбекистон президенти деган банда олдида тавба килиб, кечирим сўраганликларига карамай 5 ярим йилдан 8 йилгача камок жазосига тортилдилар.

Тошкент шахар жиноий ишлар судида эса кеча, 3 августда 2 нафар тошкентлик аёлга хам деярли юкоридагича хукм ўкилди. Улардан бири - бир фарзанднинг онаси, 40 ёшли Хамида Турсунматовага нисбатан 5 ярим йиллик ва иккинчи аёл - 4 фарзанднинг онаси, 59 ёшли Саида Маъмуровага нисбатан 7 йиллик камок жазолари тайинланди.

Маълум бўлишича, Х.Турсунматова илгари хам диний-сиёсий айблар билан 5 ярим йилга озодликдан махрум этилган, лекин камокхонада 4 ой ўтиргач, сўнгги амнистия туфайли озод килинган экан Бу галги хукмда хам ўша моддалар такрорланган. Боз устига, Х.Турсунматованинг эри ва акаси, шунингдек, С.Маъмурованинг 2 ўгли хам диний-сиёсий айблар билан узок камок муддатини ўтамокда.

Шуни эслатиш жоизки, Ўзбекистон ва ўзга айрим давлатларда «Хизб ут-Тахрир» фаолияти таъкикланган бўлса, кўшни Киргизистонда у мамлакатдаги бошка партиялар каторида эркин фаолият кўрсатмокда. Киргизистон Омбудсмани Турсунбой Бакировга кўра, ахолисининг 80 % дан ортигини мусулмонлар ташкил этган (яъни мусулмон) мамлакатларда «Хизб ут-Тахрир»ни таъкикламаслик керак.

Мавжуд режим дипломатиясининг ўйинлари

Хонобод базасидан Америка харбий контингентини олиб чикиб кетиш хакида Ўзбекистон Ташки ишлар вазирлиги томонидан АКШнинг Тошкентдаги элчихонасига юборилган нота хорижда Ўзбекистон хукумати хохлаганидек талкин килинмаётганлиги муносабати билан «Правда Востока» газетаси 3 август сонида ўша нотага «Обозреватель» имзоси билан «Объективный взгляд на ситуацию» («Вазиятга холис бахо») сарлавхали шарх эълон килди. Унинг ўзбекча таржимаси газеталарнинг бугунги сонларида чоп этилган.

Шархни Ўзбекистон режими дипломатиясининг ўйинлари деб бахолаш мумкин. Унда айтилишича, Хонободдан Америка контингентини олиб чикиб кетиш талаби билан Андижон вокеалари ўртасида богликлик йўк эмиш. Аслида Хонобод аэродромини АКШ Куролли кучларига бериш тўгрисидаги 2001 йил 7 октябрида имзоланган битим 1 йил муддатга тузилган бўлиб, томонлардан бири 180 кун олдин битимнинг амал килишини тўхтатиш хакида гўё хабардор килмагани учун у ўз кучида колаётган экан.

Газета шархида Ўзбекистон хукумати «Хонобод аэродромининг макоми билан боглик масалаларни кўриб чикишни сўраб» (аэродром макоми америкаликлардан кўпрок пул ундириш дардида кўтарилган дейишга асослар бор, лекин уни тугатиш максадида эмас!), АКШ Давлат департаменти ва Пентагонга 6 мартадан кўп мурожаат килганлиги эслатилади. «Бирок.., - дейилади шархда, - Америка томони турли бахоналарни рўкач килиб, мазкур масалани хал этишни амалда пайсалга солиб келган».

Шархда яна таъкидланишича, Хонободдаги АКШ харбий базаси тугатилгандан кейин хам Ўзбекистон «халкаро аксилтеррор коалициядаги фаол иштирокини,.. тинчлик ва хавфсизликка бўлган бошка тахдидларга карши курашда бундан буён хам АКШ билан хамкорликни давом эттирмокчи» эмиш. АКШ рози бўлармикан?
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону