19 October 2009
00:37 - Собиқ “Бирлик”чи Хуршид Даврон ишдан олинди
Ўзбекистон телерадиоканали директори, Ўзбекистон Халқ шоири Хуршид Даврон куни кеча лавозимидан олинди. Унинг ўрнига Ёшлар телерадиоканали директори ўринбосари бўлиб ишлаб келаётган журналист Олим Тошбоев мансабга минди.

Ўзбекистон телерадиокомпаниясининг номини ошкор қилмаслик шарти билан мухбиримизга маълумот берган ходимаси “Ахборот” дастурида Президент Ислом Каримга ёқмайдиган хабар чиқиб кетгани, шу боисдан бир неча шахснинг лавозимларидан четлатилганини айтди. Хусусан, телерадиокомпания раисининг мафкуравий ишлар бўйича ўринбосари Муҳаммаджон Қуроновнинг ҳам ишдан олиниши кутилмоқда. Ундан ўз ихтиёри билан кетиши ҳақида ариза олинган.

Эслатиб ўтамиз, Хуршид Даврон ўз вақтида “Бирлик” халқ ҳаракатининг фаол аъзоларидан бири бўлган, аммо Салой Мадамин бошчилигидаги 53-54-чиларнинг хоинлигидан кейин бир оз ўтгач, умуман мухолифатдан четлашган ва секин-аста, шоир Эркин Воҳид каби, режимнинг хизматига ўтиб кетган эди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону