18 October 2009
21:19 -
Жанубий Вазиристонда Покистон қўшинлари ЎИҲга ҳам қарши уришмоқдалар, ўзбеклар огоҳ бўлиши лозим
Хабарларимиздан маълумки, кеча 28 минг кишилик Покистон ҳукуматининг қўшинлари Жанубий Вазиристонда сони 10 минг деб тахмин қилинаётган Толибон жангариларига қарши ҳужум бошлади. Ўтган 24 соат ичида 60 жангари ва 5 ҳукумат аскари ўлганини билдирган Reuters агентлиги, Толибоннинг 10 минг жангариси ичида Ўзбекистон Исломий Ҳаракатининг 1 минг одами борлигини алоҳида таъкидлаган.
Покистон қўшинларининг сони 28 минг эканлиги ҳукуматнинг расмий вакиллари тарафидан билдирилган. Қолган рақамларнинг қанчалик аниқ эканлигини мустақил манбалардан тасдиқлаш имкони йўқ. Аммо, айниқса Андижон воқеаларидан кейин, Ўзбекистондан минглаб ҳукуматнинг сиёсатидан норози бўлган, ҳукумат махсус органларининг босими остида қолган одамлар турли йўллар билан чет элларга чиқиб кетдилар. Уларнинг маълум қисми ЎИҲга бориб қўшилаётганига ҳеч қандай шубҳа йўқ.
Афғонистон ва Покистонда ислом фанатикларининг кучи ортиб бораётганидан дунёнинг супер давлатларидан бири Россия ташвишда экан, бу минтақага энг яқин бўлган Ўзбекистон ҳукумати паника ичида бўлишини тахмин қилиш қийин эмас. Ислом Карим ҳукуматининг сўнги йиллардаги пала-партиш ҳаракатларини, баъзида қилинаётган мантиқсиз сиёсий қадамларини, хусусан демократик мухолифат ва мамлакат ичидаги исломчиларга қарши репрессияларини шу паника билан ҳам тушунтириш мумкин.
Репрессиялар билан қисқа муддатли муваффақиятга эришиш мумкин. Ҳозир узоқроқ келажакни ўйлаш вақти келди. Биринчи навбатда, ислом фанатизмининг ортиб боришга сабаб бўлаётган омиллар билан шуғулланиш лозим. Демократик мухолифатнинг Салой Мадамин, Исмоил Дадажон каби бир қатор вакиллари ислом фанатикларига айланиб кетишга сабаб бўлган омиллар билан шуғулланиш лозим.
Бу масалада “Бирлик” Партиясигина жиддий стратегиялар таклиф қилмоқда. Аммо, ҳукумат уларни, меҳнат муҳожирлари масаласидаги таклифлар каби, кўрмасдан келмоқда. Ҳукумат чет элдаги ватандошларимиз тақдири масаласида, кеч бўлса ҳам, ҳозир “Бирлик”нинг таклифларини бажаришга киришди. Унинг бошқа масалаларда, хусусан, ислом фанатизми ва экстремизми хавфини бартарф қилиш йўлида ҳам “Бирлик” тарафидан айтилаётган таклифлар билан шуғулланишни бошлашдан бошқа йўли йўқ. Қанча тез бошлаcа, шунча яхши бўлади. Ўзбекистон учун, миллат учун.
Покистон қўшинларининг сони 28 минг эканлиги ҳукуматнинг расмий вакиллари тарафидан билдирилган. Қолган рақамларнинг қанчалик аниқ эканлигини мустақил манбалардан тасдиқлаш имкони йўқ. Аммо, айниқса Андижон воқеаларидан кейин, Ўзбекистондан минглаб ҳукуматнинг сиёсатидан норози бўлган, ҳукумат махсус органларининг босими остида қолган одамлар турли йўллар билан чет элларга чиқиб кетдилар. Уларнинг маълум қисми ЎИҲга бориб қўшилаётганига ҳеч қандай шубҳа йўқ.
Афғонистон ва Покистонда ислом фанатикларининг кучи ортиб бораётганидан дунёнинг супер давлатларидан бири Россия ташвишда экан, бу минтақага энг яқин бўлган Ўзбекистон ҳукумати паника ичида бўлишини тахмин қилиш қийин эмас. Ислом Карим ҳукуматининг сўнги йиллардаги пала-партиш ҳаракатларини, баъзида қилинаётган мантиқсиз сиёсий қадамларини, хусусан демократик мухолифат ва мамлакат ичидаги исломчиларга қарши репрессияларини шу паника билан ҳам тушунтириш мумкин.
Репрессиялар билан қисқа муддатли муваффақиятга эришиш мумкин. Ҳозир узоқроқ келажакни ўйлаш вақти келди. Биринчи навбатда, ислом фанатизмининг ортиб боришга сабаб бўлаётган омиллар билан шуғулланиш лозим. Демократик мухолифатнинг Салой Мадамин, Исмоил Дадажон каби бир қатор вакиллари ислом фанатикларига айланиб кетишга сабаб бўлган омиллар билан шуғулланиш лозим.
Бу масалада “Бирлик” Партиясигина жиддий стратегиялар таклиф қилмоқда. Аммо, ҳукумат уларни, меҳнат муҳожирлари масаласидаги таклифлар каби, кўрмасдан келмоқда. Ҳукумат чет элдаги ватандошларимиз тақдири масаласида, кеч бўлса ҳам, ҳозир “Бирлик”нинг таклифларини бажаришга киришди. Унинг бошқа масалаларда, хусусан, ислом фанатизми ва экстремизми хавфини бартарф қилиш йўлида ҳам “Бирлик” тарафидан айтилаётган таклифлар билан шуғулланишни бошлашдан бошқа йўли йўқ. Қанча тез бошлаcа, шунча яхши бўлади. Ўзбекистон учун, миллат учун.
Ким кимдир? Who is Who?Добавить
персону
Анвар Усманов
"Бирлик" фаоли, журналист. Ҳозир Германияда яшайди.
Добавить сведения