18:30 - Корасувда 5 кунлик халк хокимияти тугади

Андижон исёнининг эртасидан (14 майдан) исёнчилар кўлига ўтган, шунинг учун 16 майдан бери Ўзбекистон томонидан Каримов режимининг куролли кучлари куршовида бўлган шахар - Киргизистон чегарасидаги Корасув шахрининг Ўзбекистон кисми (собик Ильичёвск шахри) 18-дан 19 майга ўтар кечаси режим кучларига таслим бўлди. Улар шахарга бостириб кириб, исёнчилар маъмуриятининг рахбари Бахтиёр Рахимов ва сафдошларини кўлга олдилар.

Вокеани кўрганларнинг айтишларича, шахарни забт этиш масаласи курбонларсиз ва отишмаларсиз хал бўлган. Шу билан бирга, тун бўйи Ўзбекистон расмийлари Киргизистон маъмурлари билан музокара олиб бориб, Корасув шахрининг Ўзбекистон кисмида илгаригидек каттик чегара назоратини (божхона ва чегара хизматини) тиклаганлар. Хозир бу ердаги ўтказиш пунктида яна катагон режим ўрнатилди. Шахарда патруллар - каска ва бронжилет кийган аскарларни кўриш мумкин.

Шундай килиб, Корасув шахрида атиги 5 кун хукм сурган халк хокимияти тугади ва тарих бўлиб колди.

Ана шу тарихни эслатамиз. Андижон исёнидан сўнг, 14 май куни Корасув шахрида хам 2–3 минг киши иштирокида исён бўлиб, бир неча маъмурий биноларга ўт кўйилган, исёнчилар хокимлик биносини эгаллагач, хоким Дилмурод Шерматовни сазойи килиб, кўздан йўкотишган эди. Лекин, Кўргонтепа туман (Корасув шахри шу туманда) хокими Абдумалик Косимовнинг айтишича, бари бир, шахар, умуман олганда, хукумат назоратидан чикмаган.

Дархакикат, шахарда кўшхокимиятчилик хукм сурди: давлат ташкилотлари, корхоналар ишлаб турди, лекин шахар режим маъмуриятисиз яшади. Бу ерда суллох милиционер ва чегарачилар деярли кўринмай колди, ахоли эркин кун кечирди. Кизиги шундаки, “погонли“ларсиз шахарда, одамларнинг айтишларича, тартиббузарлик, ўгирлик ва талончилик холатлари кузатилмаган, чегарада пора талаб килишлар хам бўлмаган.

Боз устига, Корасув дарёсига курилиб, Ўзбекистонни Киргизистон билан боглаган, лекин Каримов режими томонидан бундан 2 йил мукаддам бузиб ташланган кўприкни исён галабасининг эртасигаёк шахар ахолиси карнай-сурнайлар садоси остида хашар йўли билан тиклаган ва бунда киргизлар хам катта ёрдам берган эдилар. Ва бугунгача бу кўприкдан икки томонга одамлар бемалол, хеч бир монесиз ўтишаётган ва, мухими, ўзбекистонликлар учун Корасув бозорига ўтиб келиш оддий бир холга айланган эди. Энди Ўзбекистон хукумати кўприкни яна буздирса керак.

15:00 - Жэк Стронинг даъвати

Бугун, хабарларга кўра, Буюк Британия ташки ишлар вазири Жэк Стро жахон хамжамиятини Андижон вокеалари холатларини ўрганишга даъват килган. Унинг айтишича, мазкур гояни АКШ ва бошка давлатлар хам кўллаб-кувватлаётир. Лекин сиёсатчилар бунинг ким томонидан аник амалга оширилиши борасида хали ягона фикрга келолганлари йўк. Икки вариант олга сурилмокда экан: ё мустакил мутахассислар текширади, ёки текширишни Ўзбекистон хукумати ўтказиб, унга халкаро экспертлар ёрдам беради.

2:00 - Москвада Ўзбекистон хукуматининг хунрезлигини кораловчи мктбуот конфернцияси

Кеча., 18-майда Москвадаги Мустакил матбуот институтида оммавий охборот воситалари вакиллари учун Андижон вокеаларига багишланган матбуот конференсияси бўлиб ўтди. «Мемориал» маркази томонидан уюштирлган бу анжуманда ўз халкини ўкка тутган Ўзбекистон хукуматининг килган ишлари муъокама килинди. «Мемориал»нинг директори Олег Орлов, бу ташкилотнинг Марказий Осиё прграммалари рахбари Виталий Пономарев, «Харакат» журналининг Россия бўйича вакили Бахром Хамроев, Фергана.ру сайтининг Бош мухаррири Даниил Кислов Ислом Каримовни ўз халкини ўкка туттиргани учун кораладилар ва у ўз курсисини саклаб колиш учун хеч нарсадан тоймаслигини гапирдилар. Каримов режими аввал демократларни, сўнгра эса диндорларни таъкиб остига олганини алхида таъкидладилар. Бахром Хамроевнинг фикрига кўра, мухолифат тан олинмас экан, Ўзбекистонда сиёсий вазият хеч ўзгармайди.

Бахром Хамроев шу йил 21-май шанба куни соат 13 да Ўзбекистоннинг Москвадаги элчихонаси олдида Каримовнинг жиноятларига карши норозилик пикети бўлишини эълон килди. Пикетда катнашишни истаганлар кўрсатилган вактда шу адресга келишлари мумкин: Москва шахри, Погорельский переулок, 12- уй, метро Полянка.

Кеча Москва вакти билан кечкурун соат 10 да Россиянинг НТВ телевизион канали ўз мухбирининг Бахром Хамроев билан килган сухбатини хам кўрсатди.