28 September 2009
04:19 -
Немислар нафақат аккурат, айни замонда, тезкор ҳамдир – Ангела Маркель канцлерлигида қолади
Немисларнинг аккуратлиги мақтовга сазоворлиги билан тилларда достон бўлган. Аммо кеча улар кўрсатган тезкорлик ҳам айнан шундай олқишга сазовор.Маълумки, кеча Германияда парламент сайловлари бўлиб ўтди. Парламентдаги 598 жой учун 29 партиянинг 2 минг 79 номзоди курашди. 63 миллиондан кўпроқ сайловчи овоз бериш ҳаққига эга бўлган.
Сайлов участкалари ёпилар-ёпилмас (маҳаллий вақт билан соат 19:00, Тошкентда 22:00) Гемания Социал-демократ партиясининг лидери, канцлер бўлишга асосий номзодлардан бири Франк-Вальтер Штайнмайер ўз партиясининг мағлубиятини тан олди. У нимага асосланиб, бундай баёнот бергани хабарларда айтилмайди. Ҳар ҳолда немисчасига аккуратлик билан ўтказилган exit-poll натижаларига кўра бўлса керак.
Яна бир оздан кейин ҳозирги канцлер, Христиан-демократик иттифоқ ва Христиан-социал Иттифоқ (ХДИ/ХСИ) блокининг раиси Ангела Меркель Эркин демократлар партияси (ЭДП) билан коалиция тузилганини эълон қилди.
ХДС/ХСС ва ЭДП коалицияси парламентда 324 ўринга эга бўлади ва Ангела Маркель канцлерлигини давом эттиради.
Биз ўзбеклар учун муҳим бўлгани шуки, дейди мухбиримиз, немисларнинг ташқи сиёсатида жиддий ўзгаришлар бўлмайди, Германия демократиядан борган сари узоқлашаётган Россия билан илиқ муносабатларини ўзгартирмайди, Ўзбекистонда Ислом Каримнинг режимини зимдан қўллаб-қувватлаш давом этади.
