26 September 2009
13:14 - G20 cаммити битди, муаммолар битмади
Кеча кеч соатларда АҚШнинг Питтсбург шаҳрида данёнинг энг бой ва ривожланган 20 мамлактининг саммити бир кунлик ишини тамомлади.

Саммит қатнашчилари жуда эҳтиётлик билан рецессия битаётганига имо қилишса ҳам, ўз мамлакатларида молиявий институтларга қўшимча ёрдам беришни давом эттиришга келишишди. Олинган қарорлар энг умумий шаклда бўлди.

Давлатдан мустақил бўлган молиявий структураларнинг давлат томонидан оёқда тутилиши эркин рақобатга асосланган капитализмнинг табиатига қарши бўлгани учун, капитализм битди, деб чапак чалаётган сўлчилар ҳақдек кўринади. Аммо, бундай чора-тадбирлар вақтинчалик эканлиги таъкидланмоқда ва ҳақиқатда ҳам шундай. Давом этаётган молиявий кризисга капитализмнинг ўлими эмас, ҳар қанда соғлом организмда ҳам бўладиган касаллик деб қараш керак. Касаллик тузатиладиган нарса.

Саммитда ташкилий қарорлар ҳам олинди. Бу йил икки марта бўлган G20 саммитлари 2010 йилда ҳам икки марта ўтади, 2011 дан бошлаб йилига бир марта бўлади. 2010 йил саммитлари Канадада (июнь ойида) ва Жанубий Кореяда (ноябрь ойида) бўлиши аввалдан келишилганди. 2011 йилги саммитни Францияда ўтказиш қарори Питтсбургада олинди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону