23 September 2009
01:22 -
ЮНЕСКОнинг Бош раиси болгариялик Ирина Бокова бўлади
Бу ташкилотнинг Ижроия комитети ЮНЕСКОнинг бош директорлигига Болгария вакили Ирина Боковани сайлашни таклиф этди. Энди бу қарор Бош Ассамблея тарафидан тасдиқланиши керак.Бу сафарги сайлов мураккаб шаклда ўтди, дейилади дунё оммавий ахборот воситаларининг хабарида. Россия ҳам ўз номзодини директор қилиш учун роса ҳаракат қилди, аммо яхши имконият кўринмагач, номзодини қайтариб олди. Ижроия комитети бир неча марта қарор олиш муҳлатини узайтирди, аввалдан режалаштирилган овоз бериш кунларини кечиктирди.
Ниҳоят, Ижроия комитетининг 58 аъзосидан 31 нафари тарафидан қўллаб-қувватланган элчи Ирина Бокова бу босқичда ютиб чиқди. Энди у директорликка сайланишига ҳеч қандай шубҳа йўқ.
1952 йилда туғилган Ирина Бокова Болгариянинг Франция ва ЮНЕСКОда элчиси бўлган. У нафақат Болгариянинг илк ЮНЕСКОдаги Бош директори бўлади, у биринчи аёл директор ҳамдир. Унинг охирги босқичдаги рақиби Миср Маданият вазири Фарук Хосни эди.
Маълумки, Иккинчи жаҳон урушидан кейин тузилган бу ташкилотнинг бош қароргоҳи Парижда жойлашган.
