14 September 2009
21:23 -
Бушга пойафзалларини отган Ироқ журналисти эртага қамоқдан чиқади
Бугун Ироқнинг суди ўтган йили оёғидаги пойафазалларини ечиб АҚШ президенти Жорж Бушга отган ва “ит” деб бақирган ироқлик журналист Мунтазар ал Зоҳидийни озод қилишга қарор қилди, деб хабар беради Reuters агентлиги. Журналист бу иши учун аввал 3 йилга озодликдан маҳрум этилган, аммо кейинчалик жазо муддати бир йилга туширилган эди.Журалистнинг адвокатига кўра, Мунтазар ал Зоҳидий ўзига берилган қамоқ жазосининг тўртдан учини ўтиб бўлди, қамоқда ўтирган пайтида ҳеч қандай янги жазолар олмади, демак, Ироқ қонунлари бўйича озод қилиниши керак эди ва озод қилинди ҳам. Аммо, у бу бугун қамоқдан чиқарилмади, маҳаллий қонунларга кўра, эртага чиқади.
Шу кунларда Мунтазар ал Зоҳидийнинг озод этилишини талаб қилган ироқликлар катта митинглар ўтказдилар. У қамоқдан чиққандан кейин қаҳрамон сифатида қабул қилиниши шубҳасиз.
Венесуэланинг президенти Уго Чавез ироқли журналистни қаҳромон деб эълон қилгани, Ливия диктатори Каддафийнинг қизи унга қандайдир мукофот бергани, мисрлик бир ота ўз қизини ҳали ўйланмаган бу журналистга беришга ваъда қилгани ҳам маълум. У қамоқдан чиққач, ишсиз қолмаслигини ҳам тахмин қилиш қийин эмас.
