06 May 2005
03:00 - 19:30 - Сенатнинг мажлиси олиймаком киска бўлди 11:30 - Крег Маррей сайловларни ютказди 9:00 - Ўзбекистон Европадан юз ўгирмокда, «Бирлик» буни коралайди 8:00 - Кашкадарёлик мардларни кўллаб кувваташи керак бўлганлар каерда?
19:30 - Сенатнинг мажлиси олиймаком киска бўлди

Бугун, 6 май куни Тошкент шахрида Ўзбекистон Олий Мажлиси Сенатининг махаллий ОАВларда ярим ойдан бери гапириб келинаётган 2-ялпи мажлиси бўлди. Мажлисни Сенат раиси (сенаторликка кўтарилгунигача Тошкентдаги Молия институтининг ректори) Мурод Шарифхўжаев бошкарди.

Кискалиги жихатидан бугунги ялпи мажлисни Гиннеснинг рекордлар китобига бемалол киритса бўлади: эрталаб, соат 10 да бошланган мажлис тушгача давом этди, холос. Шу вакт ичида талай масалалар фавкулодда чакконлик билан “кўриб ташланди“, хаммаси бир овоздан маъкулланди.

Хусусан, 6 бўлим, 9 боб, 59 моддадан иборат Сенат Регламенти тасдикланди, Сенат кўмиталари аъзолари сайланди, «Ўзбекистон Республикасининг айрим конун хужжатларига ўзгартиришлар киритиш тўгрисида»ги конун, «Ўзбекистон Республикаси билан Европа Хамжамияти ва унга аъзо давлатлар ўртасида шерикчилик ва хамкорлик тўгрисидаги битим»га доир баённомани ратификациялаш хакидаги конун кабул килинди, Ўзбекистон президентининг айрим фармонлари, Сенат Кенгашининг карорлари тасдикланди.

Мажлисда Марказий сайлов комиссияси, Олий суд ва Олий хўжалик суди таркибига ўзгартиришлар хам киритилди, Табиатни мухофаза килиш давлат кўмитаси раиси ва Инсон хукуклари бўйича Олий Мажлис вакили масалалари кўриб чикилди. Сайёра Рашидова вакиллик амалида коладиган бўлди.

Киска вакт ичида сенатнинг хар бир кўмитаси раисининг ўтган даврдаги фаолияти юзасидан хисоботларини эшитишга хам улгурилди.

Тошкент шахрининг Акмал Икромов тумани Учтепа тумани деб ўзгартирилди. Сенатнинг фан, таълим, маданият ва спорт масалалари кўмитаси раиси Эркин Вохидов ўз маърузасида бу ўзгартиришни Ўзбекстон хукумати ва президентининг “тарихий кадриятларимизни тиклаш... тўгрисидаги кейинги сиёсати“ билан изохлади.

11:30 - Крег Маррей сайловларни ютказди

Буюкбританиянинг Ўзбекистондаги собик элчиси ўз мамлакатининг Ташки ишлар вазири Жак Строу билан битта сайлов округидан сайловларда катнашиб, уни маглубиятга учратиш ва Тони Блэр хукуматининг Ўзбекистондаги диктаторлик режими билан хамкорлигини фош этишни ўзининг асосий максади деб эълон килган эди. Дунё ахборот воситаларининг таркатган хабарига кўра, Тони Блэрнинг Лейбористлар партияси кечаги сайловаларнинг дастлабки натижалари бўйича парламентдаги 646 жойдан 324 тасини олган. Тони Блэр билан биргаликда бу партиянинг бир катор кўзга кўринган намояндалари, хусусан Жек Строу хам парламентдаги жойларини саклаб колибдилар. Демак, Крег Маррей маглубиятга учраган.

Баъзи маълумотларга караганда, Тони Блэр Ташки ишлар вазирини шу кунларда ўзгартириш ниятида. Крег Маррейнинг келажак режалари хакида хали хеч кандай хабар йўк.

9:00 - Ўзбекистон Европадан юз ўгирмокда, «Бирлик» буни коралайди

Ўзбекистон хукумати ГУЎОМ (Гуржистон, Украина, Ўзбекистон, Озарбайдон ва Молдова) ташкилотидан расман чикканлигини бу ташкилотга навбати бўйича рахбарлик килаётган Молдова президентига маълум килди. Маълумки, бу ташкилот Ўзбекистондан бошка 4 мамлакат иштирокида 1997 йилда тузилган ва Ўзбекистон унга 1999 йилда кирган эди. Ўзбекистон унга Гарб давлатлари, биринчи навбатда АКШнинг таъсири остида кирганлиги хусусида рус оммавий ахборот воситаларида спекуляциялар кўп бўлса хам, бунинг хеч бир пичокка илинадиган исботи йўк. Аммо, бир нарса маълумки, ГУЎОМ Россиядан кўра Европа давлатларига богланиш йўлидан бормокчи эди.

«Ўзбекистон хукуматининг бу карори Гарб, Европа ва АКШ билан интеграцион жараёнларни сустлаштиришга каратилган ва ўзбек халкининг эмас, диктатурани мустахкамлашдан бошка нияти бўлмаган мавжуд режимнинг манфаатларига хизмат килади, -дейди «Бирлик» Партиясининг рахбари Абдурахим Пўлат.- «Бирлик» кучга кирган сари Ўзбекистон хукуматини бу нотўгри карорни ўзгартиришга зўрлаши табиий нарса. Аминманки, Ўзбекистон якин йиллар ичида мухолифатнинг кучи билан бу ташкилотга кайтади».

8:00 - Кашкадарёлик мардларни кўллаб кувваташи керак бўлганлар каерда?

Ўзбекистондаги мавжуд хукуматнинг истеъфоси хамда тортиб олинган мол-мулкларнинг кайтарилиши талаби билан чиккан Чориевлар хонадони аъзолари ва уларнинг тарафдорларидан иборат юзга якин кишининг Кашкадарёда харкат бошлагани хакида кеча норасмий манбадан хабар олган эдик. Аммо мухбиримизнинг Каршилик журналист Тўлкин Кораевга таяниб, маълумот беришича, хали бу йўналишдаги харакатлар сезилгани йўк. Шундай бўлса-да, хукук химоячиси, мухолифатчи ва мутакил журналистлардан иборат бир гурух вокеа жойига бориш, намойишчиларга далда беришни режалаштирганди. Хукумат хам бекор ўтираётгани йўк. Хозирда мазкур вокеа жойига боришга уринган, уларни кўллаб-кувватлашга харакат килган шахсларга нисбатан хам таъкиблар бошлангани маълум бўлди.

3 май куни Тошкентдаги норозилик акцияларини кўллаб-кувватлаш учун отланган Ўзбекистон инсон хукукларини химоя килиш ташкилоти фаоли Абдужалил Бойматов Тошкент шахар Хамза тумани милиция нозирлари томонидан ушлаб кетилган хамда унга маъмурий жавобгарликка оид иш кўзгатилган. IWPRнинг Кашкадарёдаги мухбири Тўлкин Кораев эса агар вокеа жойига борса, уни нохуш холатлар кутаётганлигидан огохлантирилган.

Хукук химоячиси Бахтиёр Хамроев нима бўлган такдирда хам мазкур протестларни кўллаб-кувватлаш кераклигини, таникли хукук химоячиси ташкилотлар ва мухолифатдаги сиёсий партияларнинг жим туриши ножиддий эканлигини эътироф этади. «Эрк» партияси раиси Самад сўнгги имкониятларидан фойдаланмокчи бўлган Мурод Чориевларга килинган муомалани нафакат инсон хукукларига, балки халкимиз менталитетига тажовуз дея бахолайди.

Мухбирларимиз бир катор хукук химоячилари ва мухолифатдаги сиёсий партиялар вакиллари бу «ўйин»лар каршисида нима килишини билмай иккиланиб туришганини таъкидлашмокда.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону