07 September 2009
20:36 - Красноярскда бир “омадсиз” ўзбекнинг саргузаштлари
Красноярск ИИБси ахборот маркази хабар қилишича, бир Ўзбекистонлик маҳаллий такси ҳайдовчисини тунашга ҳаракат қилган. Ҳозирча исми очиқланмаган юртдошимиз таксичидан ўзини Сосновоборск деган жойга олиб боришни илтимос қилган. Лекин таксига чиққач, пичоқ билан пўписа қилиб, такси ҳайдовчисининг катмони ва уяли телефонини олиб қўйган. Ўлжага тушган катмонда фақат биттагина 100-рубллик пул бор экан. Аммо, туновчининг омадсизлиги фақат бу бўлмабди. У “бечора” таксида ўзининг уяли телефонини эсдан чиқариб қолдирибди.

Омадсиз ўзбекистонлик ўғирланган телефон орқали такси ҳайдовчисига қўнғироқ қилиб, Мичуринскй мост деган жойда учрашув белгилабди ва ўғирланган нарсаларни қайтариб бериш эвазига ўз телефонини қайтариб беришни сўрабди.

Ўзбекистонлик учрашув жойига келганда, уни такси ҳайдовчиси билан биргаликда милиция хам кутиб турган бўлган. Натижада унга қарши Россия ЖКнинг 162 моддаси (қароқчилик) билан жиноий иш очилибди. У 12 йилгача озодликдан маҳрум бўлиши мумкин.

Хабарда айтилишича, юртдошимиз шу йилнинг январь ойида Красноярскга иш излаб келган экан. // newslab.ru
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону