07 September 2009
19:41 -
Суданда шим кийгани учун судланган аёл қамчинланишдан қутулди
Шу йил 13 июлдаги хабаримизда Суданда шим кийиб юрган, аммо мусулмон бўлган 12 аёл ресторанда ушлангани, шимда юргани айбини тан олгани учун ҳар бири 10 мартадан қамчинланиб, қўйиб юборганини билдиргандик. Улар билан бирга Лубна Аҳмед ал-Хуссейн исмли христиан аёл ҳам бўлган, аммо у айбини тан олмасдан, ўзини суд қилишни талаб қилган эди. Суд уни 20 марта қамчинлашга қарор чиқариши мумкин экан.Ниҳоят Суданнинг суди бу ишни кўриб чиқди ва Лубна Аҳмед ал-Хуссейнга $209 жарима солди, дейилади Reuters агентлигининг бугунги хабарида. Шу билан христиан аёл қамчинланишдан қутулди.
Лубна Аҳмед ал-Хуссейн БМТнинг бу мамлакатдаги офисида ишлагани учун уни суд қилиб бўлмасди. Аммо, бу жасур аёл суд орқали адолатга эришиш ва шу йўл билан суданлик аёлларнинг ҳуқуқларини ҳимоя қилиш мақсадида БМТдаги лавозимидан ўз ихтиёри билан кетган. У суддан кейин ҳам ўрта асрлардан қолган одатларга қарши курашни давом эттирмоқчи.
