07 September 2009
12:48 - Тошкент аэропортида қўлга тушган Шри-Ланкаликларга етти йилдан берилди
Малайзиянинг сохта паспортлари билан Ўзбекистон орқали Европага чиқиб кетиш харакатида бўлган тўрт Шри-Ланка фуқароси ва уларга бу ишда ёрдам берган Ўзбекистон Миллий Университетининг домласи ҳар бири етти йилдан қамоқ жазоси олди, дейилади CA-News агентлигининг хабарида.

Сергели туман судида кўрилган бу ишнинг тафсилотлари қуйидагича. Шри-Ланкалик тўрт фуқаро март ойи бошларида Малайзиянинг сохта паспортлари билан Қозоғистон келишган. Сўнгра шу паспортлар билан Ўзбекистонга ноқонуний ўтишган. Бу ердан улар сохта визалар олиб, Европага чиқиб кетишни режалаштиришган.

Ўртада турган даллол, яъни Университет домласи, барча ҳужжатларни расмийлаштириш учун бу Шри-Ланкаликларнинг ҳар биридан 5 минг АҚШ доллари олган. Лекин Тошкент аэропортида Парижга учиб кетадиган самолётга чиқиш вақтида божхона хизмати ходимларига уларнинг ҳужжатлари шубҳали кўринган ва натижада улар фош этилган.

Аслида, деб бу хабарни шархлайди “Харакат”нинг мухбири, ҳужжатларнинг сохталиги ва шубҳали эканлиги МХХнинг чегара хизмати ходимлари томонидан аниқланиши керак эди. Бу уларнинг вазифаси, божхона хизматиники эмас. Тахмин қилиш мумкинки, «бечора» Шри-Ланкаликлар божхона ходимлари талаб қилган пулни беришмаган ёки беришолмаган, натижада уларнинг ишини божхона ходимлари ҳал қилиб қўйишган.

Эслатиш лозимки, Тошкент аэропортида учиб кетаётган йўловчилар аввал божхона назоратидан, кейин чегара назоратидан ўтади, учиб келганлар учун аксинча.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону