06 September 2009
00:14 -
Урумчида Коммунист партиянинг шаҳар ташкилоти раҳбари ўзгартирилди, эскиси каби янгиси ҳам хитой
Кеча Урумчида норозилик чиқишлари қилган хан-хитойлар Хитой Коммунистик партиясининг Шинжон-Уйғур мухтор ўлкасидаги раҳбари Ванг Леқуаннинг истеъфога кетишини талаб қилшганди. Reuters агентлигининг хабарига кўра, бугун Ванг Леқуан эмас, партиянинг Урумчи шаҳар ташкилоти раиси Ли Чжи истеъфога жўнатилган, унинг ўрнига ўлканинг Адлия қўмитасининг раиси Чжу Хажлун тайинланган. Ўлканинг полиция бошлиғи ҳам алмаштирилган. Аммо, хабарда на эски бошлиқнинг на янгисининг исми кўрсатилмаган.Маълумки, Хитойда, собиқ СССРда каби, ҳақиқий ҳокимият Коммунистик партиянинг қўлидадир. СССРга кирувчи мустамлака жумҳуриятларда коммунистларнинг раҳбари (компартия секретари) одатда маҳаллий аҳоли вакилидан сайланарди, аммо ваколатлари ундан кам бўлмаган иккинчи секретарь руслардан бўларди.
Бугунги хабардан кўриниб турибдики, Хитойда Уйғурларнинг мухтор ўлкасида коммунистик партиянинг биринчи раҳбарлар ҳам хитойлардан экан.
Яна шу хабарда Шинжон-Уйғур ўлкаси бош прокурори Ёдгор Абдулраҳмонга асосланиб билдирилишича, 5 июлдаги қонли воқеалар бўйича бири аёл 5 уйғурга норозилик чиқишларининг ташкилотчилари сифатида айблар қўйилган, тегов ишлари давом этмоқда. Ўша воқеалар бўйича ҳаммаси бўли 21 уйғур ҳибсга олинган экан.
