05 September 2009
01:32 - Урумчида хитойлар қасос олиш навбати ўзларига келди деб ҳисобламоқдалар
Маълумки, Хитойдаги корхоналаридан бирида икки уйғур ишчисининг ўлдирилиши Урумчида ўйғурларнинг ғазабини келтирган ва стихияли чиқишларга йўл очганди. 5 июлда кўчаларга чиққан минглаб ўйғурлар қотилларнинг жавобгарликк тортишни талаб қилишарди. Аммо, стихияли норозилик номойишлари қонли тўпалонларга айланиб кетди.

Хитой расмийларининг айтишича, ўша кунлари 197 киш ўлди, уларнинг кўпчилиги ўзларини хан деб атайдиган ва Хитой ахолисининг кўпчилигини ташкил қиладиган хитойликлардир.

Бу воқеалардан кейин анча одам ҳибсга олинди, уларнинг кўпчилиги уйғурлар бўлди. Марказий ҳукумат ва Уйғуристон расмийлари ҳибсга олинганлар устидан адолатли суд бўлиши ва айбдорлар жазоланиши ҳақида баёнот ва ваъдалар баришди.

Аммо, тергов ишларининг чўзилиб кетганидан дарғазаб бўлган хан-хитойлар бугун кўча-майдонларга чиқишди. Улар аввалиги Хитой Коммунистик партиясининг минтақадаги лидери Ванг Леқуаннинг истеъфосини талаб қилишди. Кейин тартибсизликлар майдони кенгайди, намойишчилар ўйғурлар яшайдиган ҳудудларга бостириб киришга ҳаракат қилишди. Уларни тўхтатиш учун полициядан ташқари армия ҳам жалб қилинган. Ўртада чиққан жанжаллар натижасида 5 киши ўлган, уларнинг ичида намойишчиларга алоқаси бўлмаган 2 одам ҳам бор.

Урумчи ва унинг атрофида фавқулодда вазият эълон қилинди, дейилади Reuters агентлигининг хабарида.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону