31 August 2009
21:54 - АҚШ генерали: Афғонистондаги урушни ютиш мумкин, лекин қўшимча куч керак
24 август хабаримизда Афғонистондаги АҚШ ва НАТО кучларининг янги қўмандони генерал Станлей МакКристал бу мамлакатдаги ҳарбий вазият ҳақида махсус ҳисобот тайёрлаётгани ва шунга қараб АҚШ ва унинг иттифоқчилари урушни қандай давом эттириш хусусида хулосага келишлари билдирилганди

Reuters агентлигининг бугунги хабаридан маълум бўлишича, Станлей МакКристалнинг ҳисоботи битганлиги эълон қилинган. Ҳисоботнинг асосий хулосаси – 8 йилдан бери давом этаётган урушни ютиш мумкин, лекин бунинг учун янги стратегия ва қўшимча кучлар керак.

Бу ҳисобот АҚШ Қуролли Кучларининг Ўрта Шарқ ва Афғонистондаги қисмларини бошқарувчи Марказий кучлар қўмондонлигига ва НАТОга юборилган. Ҳозир генерал Станлей МакКристалнинг қўли остида АҚШ ва НАТОнинг 100 мингдан ортиқ аскари бор. Қўшимча кучлар қаердан олиниши ҳали номаълум.

Афғонистонда президент сайловидан кейин сиёсий беқарорлик ортиб боаётган пайтда АҚШ ва НАТО учун жиддий қарорлар қабул қилиш осон бўлмайди, дейди мухбиримиз. Бироқ, катта эҳтимоллик билан айтиш мумкинки, Ғарб Афғонистонда сиёсий барқарорлик ўрнатилишини кутиб ўтирмайди, балки, аксинча, кескин ҳаракатлар билан урушнинг боришида ўзгаришларга эришиб, Афғонистонда барқарорлик ўрнатилишини тезлаштиради.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону