30 August 2009
03:07 - “Эзгулик” жиноят ишлари тергови сифатини таҳлил этади
Ўзбекистон инсон ҳуқуқлари “Эзгулик” жамияти ўзининг кеча тарқатган 35-сонли релизида Тошкент шаҳар ИИББ тергов бошқармаси томонидан асли сурхондарёлик бўлган уч опа-сингилнинг қандай қилиб “босқинчи”га айлантирилгани ҳақида ҳикоя қилади. Бу хабарда фуқаро Соатовалар мисолида мамлакатда ҳеч бир қонунсиз ишлаётган миршаблар терговининг сифати, унинг инсон тақдирига дахли борасида гапирилади ва аллақачон издан чиқиб бўлган тизим фош этилади.

Пресс-релизда билдирилишича, 33 ёшли Наргиза рашк туфайли кундоши Н.А.га нисбатан шу йилнинг 8 майида икки ёлланган мардикор аёл воситасида безорилик содир қилган. Бироқ миршаблар командаси учун оддий безорилик жиноятини очишдан кўра, ижтимоий хавфи ўта юқори бўлган уюшган босқинчиликни фош этиш ҳар жиҳатдан фойдали бўлгани учун қизларни босқинчига чиқаришган. “Эзгулик” бу вазиятни таҳлил эта туриб, аллақачон кескин ислоҳни талаб қилаётган жиноят-қидирув, суд-ҳуқуқ тизимидаги бу ибтидоийлик ўз ташвишлари билан андармон ҳукуматнинг ҳали-бери бошини оғритадиганга ўхшамайди, деб хулоса қилади.

Релизнинг тўла матни билан жамиятнинг расмий веб сайтида танишасиз — www.ezgulik.org
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону