28 August 2009
01:15 -
АҚШ элчиси Ричард Норланд ўзбек халқини истиқлол айёми билан қутлади
Бугун АҚШнинг мамлакатимиздаги Фавқулодда ва Мухтор элчиси Ричард Норланд ўзбек халқини мустақиллик байрами ҳамда Тошкент шаҳрининг 2200 йиллиги юбилейри тантаналари билан қутлади. Табрикда шундай сўзлар бор: “Америка Қўшма Штатлари Элчихонаси Америка халқи номидан Ўзбекистон халқини мустақилликнинг 18 йиллиги билан самимий муборакбод этади. Шу билан бирга ўз шаҳрининг 2200 йилигини нишонлаётган Тошкент аҳолисини ушбу байрам билан алоҳида қутламоқчимиз. Кўп йиллар давомида биз таълим, фан, фуқаролик жамияти барпо этиш, қишлоқ хўжалиги, савдо-сотиқ ва бошқа соҳаларда Ўзбекистон билан олиб борилаётган ўзаро ҳамкорликдаги фаолиятдан фахрланиб келмоқдамиз. Ҳар икки мамлакат умидга тўлиқ келажак қуриш йўлида иш олиб борар экан, келгуси йилда ҳам биз бундай муносабатларнинг ривожланиши ва мустаҳкамланишига умид билдирамиз. Фурсатдан фойдаланиб, сизга тинчлик-осойишталик, соғлик-омонлик, фаровонлик ва бахт-саодат тилаймиз”.
