23 August 2009
22:33 - Таиланд қиролининг парчаланган миллатни бирлашишга чақириши - ўзбек мухолифати ичида ҳам бўлгани каби фойдасиздир
Бу мамлакатда ҳамма томонидан ҳурмат қилинадиган қирол Бхумибол Абдулядеж (Bhumibol Adulyadej) парча-парча бўлиб кетган миллатни яна бир марта бирлашишга чақирди. Бу ҳақда хабар берган Reuters агентлиги мухбирининг ёзишича, 2006 йили давлат тўнтариши натижасида бош вазирлик лавозимидан айрилиб қолган Thaksin Shinawatra ва ўша тўнтаришдан кейин ҳукуматга келган Abhisit Vejjajiva тарафдорлари ўртасида ҳокимият учун кураш давом этмоқда.

Бу фақат сиёсат майдонидаги демократик кураш эмас, парчаларга бўлинган гуруҳлар ўртасидаги баъзида қонли, фуқаролар уруши остонасига келиб қолган урушдир. Айнан бу сабабдан, яъни урушнинг олдини олиш учун қирол ҳамани бирлашишга чақирмоқда.а

Оксфордда ўқиб келган Abhisit Vejjajiva олтита партиянинг коалициясига таянади. Аммо, коалиция олти партиядан иборат эканлиги – унинг заифлигидир.

Thaksin Shinawatra тарафдорларининг бирлаштирувчи Диктаторликка Қарши Бирлашган Демократия Фронти ҳам бир қатор партияларнинг коалициясидир, шу сабабдан у ҳам кучсиз.

Дунёнинг тажрибаси кўрсатиб турибдики, майда-чуйда гуруҳлардан тузилган коалициялар ҳеч нарса қилишга қодир эмас, бирон нарса қилолсалар ҳам, ички зиддиятлар туфайли эришган ғалабаларининг натижаларини тезда йўқотадилар.

Шунинг учун коалицяларнинг ҳар бири ягона ташкилотга айланмагунча, ҳамма бирлашишга чақириқлар қуруқ гап бўлиб қолаверади. Буни Ўзбекистон мухолифати мисолида ҳам кўриб турибмиз.

Демак, тан олиш кераккаи, “Бирлик” Партияси дунё тажрибасидан келиб чиқиб, тўғри йўл танлади ва ҳаммани “Бирлик”да бирлаштириш шиорини ўртага отди. Агар, буни қила олса, Ўзбекистонда ижобий ўзгаришлар бўлади, акс ҳолда, ҳозирги диктатура яна узоқ вақт яшайди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону