20 August 2009
11:32 -
Forbes журналига кўра, Германия канцлери Ангела Маркел дунёнинг энг қудратли аёли
Машҳур Forbes журнали дунёнинг йиллик энг қудратли аёлларининг анъанавий рўйхатини эълон қилди. Тўла рўйхат билан www.forbes.com/women сайтида танишиш мумкин.Ўша рўйхатдаги баъзи исмлар билан таништирамиз.
Биринчи ўринни Германиянинг канцлери (бош вазири) Ангела Маркел эгаллаган. 55 ёшли бу аёл 2005 йилдан бери Германияни бошқармоқда. Бу мамлакатда президент эмас, бош вазир (канцлер) кўпроқ ваколатга эгалиги ҳаммага маълум. Бу йил 27 сентябрда бўладиган федерал сайловларда ҳам унинг партияси ғалаба қозониши, унинг ўзи канцлер бўлиб қолиши кутилмоқда.
АҚШ президентининг хотини Мишел Обама бу рўйхатга биринчи марта кирган. Унинг бу йил олган ўрни 40-чи. 41-чи ўринда АҚШдаги телешоулардан бирининг уй бекаси Опрах Винфрей, 42-чи ўринда Буюбритания қироличаси Елизавета турибди.
Рўйхатдаги иккинчи ўринни бу рўйхатга иккинчи марта кираётган Шейла Байер эгаллаган. Бу аёл АҚШдаги банкларни суғурталовчи давлат корпорациясининг раиси. Унинг бундай қувватга эга бўлишининг сабаби – дунёда ва АҚШда ҳукм сураётган иқтисодий-молиявий инқироздир. Инқироз битса, бу аёл ҳам рўйхатдан чиқса керак.
АҚШнинг Давлат Котиби Ҳиллари Клинтон ҳозир 36-чи ўринда, ўтган йили президентликка номзод сифатида у 28-чи ўринда эди.
Табиий, рўйхатда Осиёлик аёллар ҳам бор. Масалан Туркиянинг бир вақтлар энг катта бойи Сабанчининг қизи, Сабанчи Холдинг раҳбари Гулер Сабанчи 27-чи, Банладешнинг бош вазири Хасина Важед 78-чи ўринда.
