08 August 2009
20:40 - Молдова демократлари парламентда коалиция тузишди
29 июлда Молдовада ўтказилган парламент сайловларида шу пайтгача мухолифатда бўлган демократик руҳдаги 4 партия 101 кишилик парламентда 53 мандатга, шу пайтгача ҳокимиятда бўлган коммунистлар 48 мандатга эга бўлишган эди. Агар демократлар бирлашса, парламант спикерини сайлашга ва бош вазир тайинлашга кучлари етарди. Аммо, президент сайлаш учун керакли 60 мандатлари йўқ.

Бугун маълум бўлишича, шу 4 демократик руҳдаги ташкилот - Либерал-Демократик партия (лидери - Влад Филат), Либерал партия (Михай Гимпу), Демократик партия (Мариан Лупу) ва “Бизнинг Молдова” альянси (Серафим Урекян) - парламантда кўпчилик овозга эга бўлган альянс тузишди.

Ахборот воситалари Демократик партиянинг лидери, паламентнинг собиқ спикери Мариан Лупунинг қуйидаги калит сўзларини келтиришмоқда: “Ташқи сиёсатда бизнинг коалиция 3 принципга асосланиб фаолият олиб боради. Булар – евроинтеграция, Украина ва Россия билан яхши ниятли қўшничлик алоқаларини тиклаш ва жанубий ҳамкоримиз Россия билан стратегик ҳамкорликни давом эттириш”.

Молдова демократлари бу босқичдаги асосий вазифаларини бажардилар, сайловда ғолиб чиқдилар, коалицияга бирлашдилар. Украинада каби ички зиддиятлар туфайли тўзиб кетмасалар, катта ғалаба қозонишади
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону