07 August 2009
21:47 - Барак Обама: Балки, рецессиянинг охирини бошланишини кўрмоқдамиз
АҚШ ҳукумати мамлактада 2007 йилнинг охирида рецессия, яъни ишлаб чиқаришнинг пасайиши бошланганини 2008 йилнинг сўнгида расман тан олган эди.

Кеча АҚШ президенти Барак Обама Виржиния штатида бўладиган губернаторлик сайловида ўз партиясидан кўрсатилган номзодни қўллаб-қувватлаш кампанияси доирасидаги бир учрашувда иштирок этар экан, балки, рецессиянинг охирини бошланишини кўрмоқдамиз, деди. Бу ўта эҳтиёткорлик биан айтилган сўзлар орқасида реал фактлар бор. Масалан, қуйидагилар.

Июль ойида АҚШда иш жойи сонининг камайиши кутилган 320 минг ўрнига 247 минг бўлибди. Яъни, иш жойи сони камайишининг тезлиги озайган. Меҳнат Департамени (вазирлиги) тарқатган бу хабарда яна айтилишича, ишсизлик июнь ойда 9,5 фоиз бўлган бўлса, июлда 9,4 фоизга тушибди.

Маълумки, АҚШда ўтган йили август-сентябрь ойларида молиявий кризис бир нечта йирик молиявий ширкатнинг оғир аҳволга тушиши билан бошланганди. Жорж Буш маъмурияти ўша ширкатларнинг энг каттаси American International Group Inc (AIG корпорацияси) билан махсус шуғулланиб, унга $180 млд ёрдам берган эди.

Бугун Reuters агентлиги тарқатган хабарга қараганда, AIG корпорацияси сўнгги 7 кварталда биринчи марта фойда олибди. Унинг охирги кварталдаги умумий фойдаси $1.8 млд бўлган, ҳар бир акциясининг нархи $2.30 га ошган. Ўтган йил шу кварталда корпорация $5.4 млд зарар кўрган, акциясининг нархи $41.13 га тушган экан.

Демак, АҚШ президент Обаманинг гапларидан жон бор, АҚШ иқтисодидаги тушиш секинлашмоқда ва тез орада унинг юксалишга бошлашини кутиш мумкин. Бу кунда дунёнинг иқтисоди, унинг молиявий аҳволи АҚШга боғлиқ бўлгани учун, бу хабар бутун дунёни қизиқтириши шубҳасиз.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону