06 August 2009
23:36 - Путин Анқарада Эрдўғон билан музокаралар олиб бораркан, уларга Берлускони қўшилди
Бугун тушликка яқин Туркияга келган Россия бош вазири Владимир Путин бу ердаги ҳамкасби Ражаб Эрдўғон билан музокаралар олиб бормоқда. Муҳокамадаги асосий масала – Россия ўз газини Европага ташиш учун қурмоқчи бўлган “Жанубий оқим” лойиҳасига Туркияни тортиш.

Маълумки, Россия бу лойиҳани Туркиянинг энг актив иштирокида амалага оширилиши ражалаштирилаётган европаликларнинг “Набукко” лойиҳаси билан рақобот қилиш мақсадида олға сурмоқда. Лекин, кўринишидан, Туркия ўзининг жўғрофий-стратегик ҳолатидан ўз фойдаси учун самарали фойдаланмоқчи ва “сих ҳам куймасин, кабоб ҳам” қабилида иш олиб бормоқчи.

Ва олиб бормоқда ҳам. Бугун Путин билан музокаралардан кейин, Туркия ва Россия ўртасида газ ва нефть соҳаларида ҳамкорлик бўйича протокол имзоланди. Унга кўра, Туркия “Жанубий оқим” қувурларини ўз ҳудудидан ўтишига рухсат беради. Тўғрироғи, газ қувури Тукиянинг ҳудудий сувлари остидан ўтади.

Россиядан Туркияга 10 йилча аввал “Мовий оқим” номли газ қувури Қора денгиз сувлари остида ўтказилганди. Бали “Жанубий оқим” ҳам Қора денгиз сувлари остидан Туркия чегарасигача “Мовий оқим” бирга боради, аммо Туркияга ерларига кирмасдан Ғарбга бурилади ва Туркия қирғоқларига параллель шаклда сув остидан Булғористонга қадар, у ердан Юнонистон орқали Италиягача етиб боради.

Шу сабабли, Италия бош вазири Берлусконининг Анқарага келиб, “Жанубий оқим” лойиҳасига доир ҳужжатнинг имзолаш маросимида қатнашгани ғайритабиий воқеа эмас.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону