03 August 2009
21:32 -
Эроннинг диний раҳбари Аҳмединажоднинг президентлигини тасдиқлади
Бугун Эроннинг Олий раҳбари Оятуллоҳ Али Хоменеий мамлакат конституциясига кўра қилиши керак бўлган ишни қилди ва июнь ойидаги президент сайловининг ғолиби деб эълон қилинган Маҳмуд Аҳмединажоднинг президентлигини тасдиқлади. Шу муносабат билан ўтказилган тантанали маросимга икки собиқ президент – Акбар Рафсанжоний ва Муҳаммад Хотамий қатнашмагани Эрон омавий ахборот воситаларида алоҳида урғуланмоқда. Бу икки диний уламо ва сиёсатчи президент сайловида, очиқча бўлмаса ҳам, зимдан Мирҳусайин Мусави тарфида бўлишган ва сайловдан кейин Мусави тарафдорларнинг ҳибсга олиниши ва суд қилинишини очиқча қоралашган эди.
Нима бўлганда ҳам, Маҳмуд Аҳмединажоднинг иккинчи муддатга президент курсисига ўтқазиш учун керак бўлган қонуний қадамларни қилиш давом этмоқда. Чоршанба куни Аҳмединажоднинг ғалабаси парламент тарафидан тасдиқланиши керак.
